Парламентын түүхэнд анх удаа казах эмэгтэй УИХ-ын гишүүн боллоо. Казах эмэгтэйг жагсаалтаар нэр дэвшүүлсэн улс төрийн анхны нам нь ИЗНН байлаа гэх дуулиан 2024 оны дараахан улс төрийн бас нэг өнгө хэмээгдэн цахим ертөнцөд шуугиан дэгдээж байлаа. Тэр бол "Зоригтой бай" уриатайгаар улс төрийн намын жагсаалтаар УИХ-ын гишүүн болсон С.Замира. Тэрбээр УИХ-ын гишүүн болсноор казах эмэгтэйчүүдийн дуу хоолойг төрийн эрх баригчдад хүргэх, казах эмэгтэйчүүдийн эрхийн асуудлыг сайжруулах тал дээр бүрэн анхаарч ажиллахаа мэдэгдсэн.

Тодруулбал, бүрэн эрхийнхээ дөрвөн жилд Баян-Өлгийчүүдэд өөрчлөлт, шинэчлэлтийг бий болгож, казах охид, эмэгтэйчүүдийн эрхийг хуулийн хүрээнд засаж, сайжруулах, тэдний дуу хоолой болж чадах тухай бодож суугаа нь лавтай. Казах бол манай үндэстний цөөнх. Нийт хүн амын 4 хувийг төлөөлж буй угсаа нэгтнүүдээ төлөөлж суугаа казак гишүүдийн нэг. Ямартай ч өдгөө түүний туслахаар төрсөн охин Х.Султанат ажилладаг юм байна лээ. Басхүү түүний төрсөн охин Х.Нургүл ИЗНН-ын гишүүн бөгөөд ээжтэйгээ хамт ИЗНН-аас УИХ-ын гуравдугаар тойрогт нэр дэвшин 245 хүний авсан байдаг юм.

Тэрбээр "Хабекомон" гэх гадаадын хөрөнгө оруулалттай гадаад худалдаа эрхлэх компанийг Унгар Улсын иргэнтэй хамтран эзэмшдэг. Тус компаниараа Алтан толгой гэх газар хайгуулын тусгай зөвшөөрөл буюу лиценз авсан байдаг. Мөн "Гуахар тас" гэх ашигт малтмал ашиглалт, хайгуулын компанийг Казахстан улсын иргэнтэй 2007 оноос хойш хамтран эзэмшдэг. Мөн уул уурхайн "Бүркит корпораци" ХХК-ийг 2007 онд үүсгэн байгуулсныг өдгөө түүний нөхөр Уатхан Хажымурат удирддаг гэх юм билээ.

Хатагтай С.Замира 2000 оноос хойш эмнэлэг, цэцэрлэгт нийт 270 сая төгрөг, ажил, орлогогүй хүмүүст 400 сая төгрөг, өвчин, зовлон тохиолдсон иргэдэд 182 сая төгрөг, сургалтын төлбөрт 72 сая төгрөг, сум, байгууллагын ой тэмдэглэх арга хэмжээнд 400 сая төгрөг тус бүр хандивлаж байжээ. Гэхдээ хөрөнгө орлогын мэдүүлгээс нь харахад тэгтлээ өгчилгөж, илүүчлээд байх бэнчингүй харагдах... Эл өнцгөөс нь харахаар Монголын парламент дахь үндэстний цөөнхийн бүлгийн эрхэм гишүүн бүсгүй хаанаас тэр их хандив тусламжийг гаргаад зохицуулаад байна вэ гэх бодол эрхгүй төрнө.

Нийгмийг үндэстний бүлгүүдээр нь талцуулах нь неоколониалист бодлогын үндсэн чиглэлүүдийн нэг байдаг. Монгол Улс яг энэ хорон бодлогын обьект, бай болох өндөр эрсдэлтэй нь нууц биш. Тухайлбал, неоколониалист бодлогод санаатай санамсаргүй, санхүүтэй санхүүгүй үйлчилдэг агент биш байгаа гэх хардлага. С.Замира гишүүн неоколониализмын агент байж болох уу? Дээрх хандивуудынх нь эх сурвалж дэндүү ээдрээтэй юм аа.