Ховд аймгийн Дөргөн суманд Ардчилсан намаас нэр дэвшигч Зуноровын Эрхбаяр Шинжааны хятадуудын санхүүжилтээр махны бизнесээ цэцэглүүлсэн нэгэн. Тэрбээр малчдын малыг зах зээлийн үнээс хэт доогуур үнээр авч, Шинжаан руу өндөр үнээр зардаг.
Тэгвэл З.Эрхбаяр махны бизнесээ төрийн мөнгөөр эхлүүлсэн. Тэр 2013-2015 онд Ховд аймгийн Засаг даргын Тамгын газрын хөгжлийн бодлогын хэлтсийн даргаар ажиллаж байхдаа Зэрэг сумын хашаажилт нэрээр мөнгө гаргаж, үхрийн фермээ байгуулсан түүхтэй. Түүний улсад онц их хэмжээний хохирол учруулсан энэхүү хэрэг хуулийн байгууллагагаар шалгагдаад явж байгаа.

Ийнхүү хуудуутай хулгай нь ил болсоор байтал З.Эрхбаяр аймгийн тэргүүний фермерч болтлоо хөлжсөн. Учир нь өнгөрсөн хугцаанд танил тал, хээл хахуулийн замаар аймгийн сургууль, цэцэрлэгүүдэд өндөр үнэтэй мах шахаж, бизнесээ цэцэглүүсээр байгааг эх сурвалжууд өгүүлж байна. Зөвхөн нээлттэй мэдээллийн https://opendatalab.mn/search/4092201 сайтаас ороод харахад, З.Эрхбаяр “Алтайн мах” компаниараа Ховд аймгийн цэцэрлэг, сургуулиудад мах нийлүүлэх 16 тендер авсан байна.
Ийнхүү хууль бус үйлдлийг нь хуулийн байгууллагад одоог хүртэл үргэлжлүүлэн шалгаж байгаа. Гэтэл Зуноровын Эрхбаяр нь энэ удаагийн орон нутгийн сонгуульд Ховд аймгийн Дөргөн суманд АН-аас нэр дэвшин, хууль бус үйлдлүүдээ үргэлжлүүлэхээр улайрч байна.