Монгол Улсын Ховд аймаг, Хятадын Шинжаан аймагтай хил залгадаг найрсаг хөршүүд. Энэ утгаараа хоёр аймгийн улс төр-бизнесийн бүлэглэл байгалийн баялгаас эхлээд орон нутгийн иргэдийн амьжиргааг шийддэг олон худалдааг баздаг.

Тэгвэл Ховдын АН-ын дарга Морхын Амарсанаа, Зуноровын Эрхбаяр нар махны бизнесээр Шинжааны түншүүдтэйгээ холбогддог ажээ. Тэдний “Алтайн мийт” болон “Баруун монгол интернэйшнл” компаниуд Ховд аймгийн  Алтай, Цэцэг, Мөст, Мянгад, Дөргөн, Буянт, Булган сумдын малчдаас хямдхан мал цуглуулан Шинжаан руу гаргаж өндөр үнээр борлуулдаг. Энэ бизнесийг хятад санхүүжүүлэгчдийнхээ дэмжлэгээр явуулдаг.

УИХ-ын гишүүн Б.Пүрэвдоржоор толгойлуулж байгаа Ховдын АН энэ 2024 оны сонгуулийн санхүүжилтээ ч  Шинжааны хужаа баячуудыг ашиглан босгосон байх юм. Тэдний гол уулзалт 2023 оны намар болсон бөгөөд бичлэгээр баталгаажиж байгаа юм.

Тус уулзалтыг АН-ын дарга Морхын Амарсанаа, Зуноровын Эрхбаяр нар зохион байгуулсан бөгөөд Шинжааны төв Өрөмч хотын тансаг ресторанд хятад ах нартаа “Ховд аймагт бидний засаглал үргэлжилж, ашигтай гэсэн тендэр бүхнийг та нарт авч өгөхөд санхүүжилт хэрэгтэй байна. Энэ нь бидний бизнес цаашид олон жил цэцэглэн хөгжихөд тус дэм болох суурь санхүүжилт” хэмээн сонгуулийн мөнгө гуйсан нь дуу, дүрсний бичлэг бүхийн нотлох баримтаар баталгаажин үлджээ.

Өөрөөр хэлбэл, Ховд аймаг Шинжааны баян хужаа нарын халаасанд орлоо гэхэд хэлсдэхгүй. Хэрэв, Ардчилсан нам гэх зүсээ хувилгасан МАН-ын охин нам тус аймагт ялалт байгуулж, эрх барихаар болвол тэд хужаа баячууддаа өр төлбөрөө төлөхийн тулд ажиллах нь тодорхой юм.

Мөн УИХ-ын гишүүн Б.Пүрэвдорж “Монголын махны холбоо”-ны тэргүүлдэг бөгөөд малчдын хотонд очиж дуу дуулж явахдаа энэ мэт сүлжээгээрээ мөнгө хийж явдаг байх нь...

Үргэлжлэл бий...