Ховд аймгийн Жаргалант сумын Засаг дарга бөгөөд Ховд хотын захирагч Ц.Цогтбаяр бизнесийн хамтрагч болох Г.Баянмөнхийн мэдлийн зарагддаггүй сауны барилгыг улсад 1 тэрбум 560 сая төгрөгөөр шахаж амжилттай борлуулжээ.

БИЧЛЭГ ҮЗЭХ: 

Эх сурвалжуудын өгүүлж буйгаар хүүхдийн цэцэрлэгийн стандартад нийцэхгүй тус барилгын эзэн Г.Баянмөнх. Тэр одоо үйл ажиллагаа нь зогсоод байгаа “Гэр бүлийн саун”-ы барилгыг "Баганат орд" компаниараа дамжуулан эзэмшдэг. "Баганат орд" компани өмнө нь Ховд аймагт авсан тендерийн ажлуудаа дуусгаж чадаагүй хар түүхтэй. Тухайлбал, Малчны хороололд сургуулийн барилгын ажлаа өнөөг хэр нь дуусгаж чадаагүй байгаа бөгөөд Г.Баянмөнхийн бусад компаниуд ч сургууль, цэцэрлэгийн тендерүүдээ будлиулсан муу гуншинтай.

Гэтэл Ховд хотын захирагч Ц.Цогтбаяр үүнийг мэдсээр байж ойр дотно харилцаатай гэх Г.Баянмөнхийн сауны барилгын үнэлгээг 5 дахин нугалж, 75 хүүхдийн цэцэрлэг нэрээр улсад шахах ажлыг Ховд аймгийн Засаг даргын орлогч Т.Дэлгэрсайхан нарын хамт амжилттай зохион байгуулжээ. Тэдний шахааг УИХ-ын гишүүн асан Ш.Адьшаа дэмжиж, Боловсролын сайд асан Л.Энх-Амгалан, Сангийн сайд Б.Жавхлан нар гар оролцон, тендерийг нь зарласнаар цонх, агааржуулалтгүй, зориулалтын бус барилга хэзээ цэцэрлэг болж үйл ажиллагаа явуулах нь  тодорхой байна. Өөрөөр хэлбэл, УИХ-ын гишүүн асан Ш.Адьшаа, Боловсролын сайд асан Л.Энх-Амгалан, Сангийн сайд Б.Жавхлан цэцэрлэгийн стандартад нийцэхгүй, сауны барилгыг улсад хэт хөөрөгдсөн үнээр шахах ажлыг эрх мэдлээ ашиглан дэмжсэн байгаа юм.
Энэ мэт хор найруулж, сауны газрыг цэцэрлэг болгоно гэсэн эрхмүүд ээлж дараалан нэр дэвшсээр явна.