Монгол Улсын нийт хүн амын 50 албан бусаар 60 орчим хувь нь нийслэл хотод аж төрдөг. Товчхондоо улсын маань цорын ганц саятан хот гэхээр нийслэл маань хэр том, чухал болох нь ойлгогдох биз. Өдгөө 387 онтойгоо  золгох гэж буй Улаанбаатар хотыг маань өдгөө Х.Нямбаатар толгойлж буй. Улсын нийслэлийн 39 дэхь дарга. Харин мань хүний зөвлөх маапаантай этгээд. Бүр тодруулбал Хан-Уул дүүргийн ИТХ-ын даргаар ажиллаж байгаад өдгөө  хотын даргад зөвлөж буй Г.Батсайхан. Эх сурвалжийн мэдээлллийг нягталтал мань эр манай хурган дарга нарын дунд нэгэн үе дэлгэрсэн хуурамч дипломтонгуудын нэг ажээ. Тэр ч бүү хэл докторант цол авчихсанаас нь харвал тун ч зайтай эр гэх тодотгол нэммээр ч юм шиг.

Хотын түгжрэлийг арилгаж 20 минутын хот байгуулна гэх үед нь эрдэм номтой хүн эрх биш нэгийг судалж, нөгөөг тооцоолоо биз гэж хүртэл горьдож байсныг яана. Үнэн хэрэгтээ манай хотын дарга Х.Нямбаатарын зөвлөх Гомбосүрэнгийн Батсайхан МУИС-д суралцаж эрх зүйчийн бакалавр төгссөн гэх хуурамч намтарын эзэн байж. Нотолгоо нь түүний нэр тус сургуульд бүртгэгдэж байсан удаагүйг  МУИС-ийн Сургалт, оюутны хөгжил эрхэлсэн проректор Д.Заяабаатарын гарын үсэгтэй албан ёсны бичиг батлаж байна.

Хэдийгээр Г.Батсайхан намтарт, 1992 онд нийслэлийн ерөнхий боловсролын сургуулийг дүүргэж, 1996 онд МУИС-ийг эрх зүйчээр бакалавр, 1998 онд ХБНГУ-ын Хумболдтын их сургууль, 2001 онд Удирдлагын академи, 2018 онд Санхүү, эдийн засгийн дээд сургууль, 2022 онд “Голбаль удирдагч” их сургууль, 2023 онд сургууль нь тодорхойгүй сургуулийн доктрант  хэмээн бичигдсэн байдаг ч эхнээсээ хуурамч диплом худалдаж авсан хүний дараагийн тамганы дардас бүхий боловсролд итгэх итгэл алга.

МУИС-д огт суралцаагүй нь батлагдсан Г.Батсайхан Хумболдтын их сургуульд “сурсан” юм байх даа гэж эргэлзэн, нягталваас манай хүний нэр өнөөх Хумболдтын их сургуульд Монголоос очиж сурсан оюутнуудын холбоо, холбооны гишүүдийн дунд бас л алга. Тэр ч бүү хэл 2018 онд “Санхүү, эдийн засгийн дээд сургууль” гэж байгаагүй агаад аль хэдийнэ их сургууль болчихсон он цаг аж. Хулхи намтар, хуурамч дипломын эзэн маань өнөө ч хотын захирагч Х.Нямбаатарт зөвлөж буй. Энгийнчилбэл түгжрэлгүй нийслэл, 20 минутын хот ч худлаа гээд ойлгочиход болох мэт. Хулхидуулж сураагүй юм  биш гээд орхиё гэхнээс гомдол төрөөд болдоггүй ээ, ядаж хуурамч диплом ашиглаж төрийн болон нийтийн албан тушаал хашсаныг нь тогтоож, өнгөрсөн он жилүүдэд төрөөс авсан цалин, томилолтын зардал, тусламж тэтгэмжийг 100 хувь хуулийн дагуу эргүүлэн төлүүлье. Монголын төр, түмэн олон нийслэлчүүд түүнд өргүй…