УИХ-ын чуулганы хуралдаанаар Төрийн болон орон нутгийн компанийн тухай хуулийн төслийг хэлэлцэж байна. 

Хэлэлцэж буй асуудалтай холбогдуулан гишүүд асуулт асууж, хариулт авч байна.

Энэ үеэр УИХ-ын гишүүн Ц.Даваасүрэн “УИХ-ын бүрэн эрхийг энэ хуулиас аваад хаячихсан байна лээ. Ерөнхийдөө сүүлийн үед орж ирж байгаа хуулиуд дээр УИХ-ын бүрэн эрхээр гэдэг юм хасагдаж орж ирэх боллоо. Анхаараарай.

Энэ хуулиар цаашдаа явах юм бол төрийн өмчийн компаниуд хүнд байдалд орох юм байна гэж харж байгаа.  Төрийн өмчийн болон төрийн захиргааны байгууллагын төлөөлөл нь цөөхөн болчихож байна. Тэгсэн хэрнээ шударга болох зарчмаар сонгон шалгаруулалт хийнэ гээд байх юм. Шударга болж яг харагдаач. Банк, ЖДҮ-ээ дуусгаад одоо Төрийн өмчийн компаниудаа дуусгах хууль орж ирж байгаа юм уу. Сонгон шалгаруулалт нэртэй баахан танил нөхдүүдээ шахаад явах нь. Зөвхөн Эрчим хүчний салбар дээр ярихад, энэ бол нарийн технологи шүү. 2018 онд аваар гарч Монгол нэг өдөр харанхуй байсан. Төрийн өмчийн хороо тэр компанийг удирддаг байсан. Гэтэл Төрийн өмчийн хорооноос ард түмэн хариуцлага нэхэхгүй сайдаас буюу тухайн үед надаас нэхэж байсан. Мэргэжлийн салбарын тэнд гаргаж байгаа техникийн шинэчлэл, засвар үйлчилгээг Төрийн өмчийн хороо мэдээд хийж чадах уу. Тэнд суугаа хараат бус нөхөд ойлгох уу. Төлөвлөгөөг нь зөв баталж чадах уу. Аль эсвэл үнэтэй зүйлүүдийг нь засварлаж, шинэчлэх ажилд хөрөнгө оруулалт хийх үү. Энэ хуулиар цаашид явбал миний ойлгож буйгаар эрчим хүч, уул уурхайн төрийн өмчит компаниуд сонгон шалгаруулалт нэртэй хэдэн хүний улд гишгэгдээд, гарын алчуур нь болоод дуусах юм байна. Монгол улс харанхуй болоход эрчим хүчний сайдтай л хариуцлага ярьсан. Харанхуйлсан хүнтэй хариуцлага тооцоё гээд Төрийн өмчийн хороонд бичиг өгөхөөр хариулж өгөхгүй байгаа байхүй юу. Одоо энэ хуулинд ТУЗ-ыг Төрийн өмчийн хороо сонгон шалгаруулж, томилно гээд заачихаад байдаг. Тэгээд хараат бусууд нь дийлэнх нь байна ч гэж байх шиг. Яг юу оруулж ирээд байгаа юм бэ. Төрийн албанд очсон хүн нийгмийн хариуцлагатай байх ёстой. Зөвхөн өөрийнхөө ашиг сонирхлоос хандвал хууль эрхзүйн орчин улам муудна. Юу ч ойлгохгүй улс тэнд яаж технологийг нь хийх вэ дээ.

Жишээ нь, Улаанбаатар 2024 онд хөлдвөл хэн хариуцлага хүлээх вэ. Би одоо яг тэмдэглээд авъя. Ер нь энэ хуулиар Төрийн өмчийн хороо байх уу, үгүй юу гэдгийг бид ярих ёстой.