16 настай хохирогч охины ээж О.Отгонтуяагийн прокуророос татгалзсан хүсэлтийг хүлээж авахаас татгалзсан тул дахин ноцтой зураг дэлгэлээ. 16 настай охины ээж О.Отгонтуяа: Надад итгэх хүн үлдсэнгүй…Миний бие 2025 оны 10-р сарын 08-ны өдөр Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд 2402…….. дугаартай хэрэг дээр ажиллаж байгаа, Г.Янжиндулам Г.Баясгалан нараас татгалзах шийдвэрийг өөрийн биеэр гаргасан болно. Хүсэлтийн хариуг 2025 оны 10-р сарын 16-ны өдөр хүлээн авлаа.

Хэргийн материалыг прокурорын газарт миний хүсэлт өгсөн өдрөөс өмнө шилжүүлсэн тул хүсэлтийг хүлээн авч шийдвэрлэхгүй гэсэн мэдэгдэл бичгээр ирлээ.

Иймд би 2025.10.09-ны өдөр, Нийслэлийн прокурорт дээрх утгатай хүсэлтийг дахин өөрийн биеэр гаргасан,хариугаа сайнаар хүлээж байна.Миний хүсэлтийн хариуг хангахгүй байсан ч Миний охины хэрэг дээр хариуцлага алдсан, Монголын хүнд гэмт хэрэгтэй тэмцэх албаны албан хаагчид, мөн хэрэгт хяналт тавьсан хоёр прокурорт хариуцлага хүлээлгэхийг миний бие шаардаж байна.

Энэ хэрэг дээр ажиллаж байгаа, Мөрдөн байцаах албаны, дарга, мөрдөгч, прокурор, шүүгч та бүхнийг…Миний охины хэргийн тухай 15 минутын бичлэгийг үзэж хэргийг үнэн зөв бодитоор хараасай гэж би чин сэтгэлээсээ хүсэж байна" хэмээн өөрийн цахим хуудсандаа хуваалцжээ.