ЗГХЭГ-ын дарга С.Бямбацогтын Ховдоос хуссан 59,9 тэрбумын тендерийн баримт!

ЗГХЭГ-ын дарга С.Бямбацогт “Ховд хотынхоо гэр хороололд цэвэр, бохирын шугам сүлжээ тавина”, “Ховд хотын иргэдийнхээ ундны цэвэр усны хоёр дахь эх үүсвэрийг байгуулна” гэх амлалтаар сонгогчдоо торгоон УИХ-ын гишүүнээр дахин сонгогдсон. 

Харин гишүүн болсныхоо дараа Ховд хотын ундны цэвэр усны хоёр дахь эх үүсвэрийг байгуулах ажилд зориулж улсын төсөвт суулгасан 59.9 тэрбум төгрөгийг С.Бямбацогт өөрөө авсан нь нотлох баримтаар ил боллоо.

Тодруулбал,

-Ховд хотын гэр хороололд цэвэр, бохир усны шугам, сүлжээ тавих 1-р ээлжийн ажил”-ын 9.3 тэрбум төгрөгийн тендерт “Ховдын өргөө” ХХК шалгарсан.

-Ховд хотын гэр хороололд цэвэр, бохир усны шугам, сүлжээ тавих 2-р ээлжийн ажлын 12.6 тэрбум төгрөгийн тендерт мөн л “Ховдын өргөө” ХХК шалгарсан.

Мөн “Ховд хотын ундны усны хоёр дахь эх үүсвэр байгуулах ажил”-ын 38.0 тэрбум төгрөгийн тендерт өнөөх л “Ховдын өргөө” ХХК шалгарчээ. Хамгийн сүүлд шалгарсан буюу 38.0 тэрбум төгрөгийн “Ховд хотын ундны усны хоёр дахь эх үүсвэр байгуулах ажил”-ын гэрээг өнгөрөгч гуравдугаар сарын 24-нд байгуулсан бөгөөд Ховд аймгийн Засаг даргын орлогч Л.Энхбаяр, “Ховдын өргөө” ХХК-ийн Гүйцэтгэх захирал М.Ганзориг хоёр гарын үсэг зурж гэрээг баталгаажуулсан байна. Ховд хотын гэр хороололд цэвэр, бохир усны шугам сүлжээ тавих, Ундны усны шинэ эх үүсвэр байгуулах нийт 59.9 тэрбум төгрөгийн гурван тендерт дархан эрхтэйгээр ганцаараа шалгарсан “Ховдын өргөө” ХХК-ийг Нью Прогресс ХХК эзэмшиж байжээ.

“Ховдын өргөө” ХХК-ийн Гүйцэтгэх захирлаар С.Бямбацогтын нагац ах бөгөөд Ховд аймгийн ИТХ-ын төлөөлөгч Маамуугийн Ганзориг ажилладаг бол Нью Прогресс групп ХХК-ийн хувьцаа эзэмшигч нь С.Бямбацогтын том хүү Б.Билгүүн байх аж.  Тэрээр ард түмний төлөөлөл болж амьдрал, ахуйг нь өөд нь татна гэж амлачхаад. Сонгогдсон хойноо тендер хулгайлж өөрийн амьдралаа л дээшлүүлэв бололтой.