БИЧЛЭГ ҮЗЭХ:

АТГ-аас 50 гаруй хүнийг нүүрсний хулгайн гэх хэрэгт холбогдуулан шалгаж байгаагаас 17 хүний нэрийг зарласан бөгөөд үүнтэй холбоотой, холбогдсон байж болзошгүй дараагийн шатны байгууллага, албан тушаалтнуудад Ерөнхий сайд анхааруулга өгч, дэлбэрэлт үргэлжилсээр байгаа энэ үед галан дээр тос нэмж АТҮТ-ийн устгагдсан мэдээлэл буюу гэнэт "амь орсон" нүүрс тээврийн машинуудтай холбоотой нэгэн баримтыг хөндье.

Татвар, оношилгоондоо олон жил ороогүй, тээврийн хэрэгслийн бүртгэлээс хасагдсан автомашинууд гэнэт нэг өдрийн дотор хэдэн зуугаараа амь орохыг 2013-2019 онд АТҮТ-д хэрэглэгдэж байсан Тээврийн хэрэгслийн бүртгэлийн системээс харж болно. Энэ бүртгэлийн систем нь одоо хэрэглээнд байхгүй ч баримт нь хаана нэгтэй хадгалагдан үлдсэнийг үзэгч танд харуулах гэж байна.

2016 оны 11 дүгээр сарын 04-өөс 2018 оны 11 дүгээр сарын 26-ны өдрийн хооронд 651 тээврийн хэрэгсэл "дахин амь орж", олон жил хураагдсан татвар, даатгалаа төлөн, нэг өдрийн дотор 135 автомашин оношилгоонд орж, маргааш нь шилжилт хөдөлгөөн хийлгэсэн байгаа юм.

Жишээ нь 2017.07.26-ны өдөр 3857 ӨМӨ, 3987 ӨМӨ, 3940 ӨМӨ улсын дугаартай 55 автомашин нэг цагт Говьсүмбэр аймагт Ц.Энхтйаван гэх инженер дээр оношилгоонд орсон боловч маргааш нь шилжилт хөдөлгөөн хийлгэсэн байгаа юм.

Хамгийн ноцтой нь тус шилжилт хөдөлгөөнийг АТҮТ-ийн Архив, лавлагааны тасгийн Бүртгэлийн ахлах мэргэжилтэн, улсын бүртгэгчээр ажиллаж байсан Л.Хантайшир нар голчлон хийсэн нь байна.

Тодруулбал 651 автомашинаас 490 орчмыг нт Т.Очирдарь, 48 орчмыг нь Л.Хантайшир бүртгэжээ. Албан тушаалын үүрэгт нь байхгүй ажлыг ийнхүү хийхдээ

"ТАВАНТОЛГОЙ ШИН" ХХК- 69

"ХЕРОЕСВИН" ХХК – 359

"ГРАНДФЕЛИКС" ХХК – 121

"ГАРРО ЭНЕРЖИ" ХХК – 65

"БААТАРВАН ТРАНС" ХХК – 33

"ЦЭЦИЙН ЦАГААН ЛУС ТРАНС" ХХК – 16

"ГЛОБАЛГҮҮР ТРАНС" ХХК -1

"ХАСБАНК ХХК" -1 автомашиныг шилжүүлсэн байна.

Эдгээр хуулийн этгээдүүд нь автомашинаар ачаа тээвэрлэх, олон улсын ачаа тээвэр, улсын хоорондын ачаа тээвэрлэх чиглэлээр үйл ажиллагаа явуулахаар улсын бүртгэлд бүртгүүлсэн бөгөөд 5 нь Бүгд найрамдах Хятад Ард улсын иргэний эзэмшлийн компани байна. Үүнээс БНХАУ-ын иргэн XuTongsheng-ийн эзэмшилд "Тавантолгой Шин" ХХК, "Хероесвин" ХХК-иуд байдаг бөгөөд 428 "амилсан" автомашиныг шилжүүлэн авчээ.

2017 онд нүүрсний тээвэрлэлт цэцэглэн мандаж, боломжтой бүхэн нь нүүрс тээвэрт шунаж байсан тухайн цаг үед АТҮТ ТӨҮГ-ын захирал Б.Гүрсоронзон хэлсийн даргаар ажиллаж байсан юм. АТҮТ гэх балаг нь дуусдаггүй газрын талаарх баримт ингээд дуусахгүй дараагийн дугаарт үргэлжлэх болно.