СУИС-ийн харьяа Соёл, урлаг судлалын хүрээлэнгийн дэргэд “Морин хуур судлалын төв” албан ёсоор нээлтээ хийлээ.  Нээлтийн арга хэмжээнд Монгол Улсын Ерөнхийлөгчийн Соёл, шашны бодлогын зөвлөх Б.Сэргэлэн, СУИС-ийн ректорын албыг түр орлон гүйцэтгэгч, доктор (Ph.D), профессор Ч.Бат-Эрдэнэ, доктор (Sc.D), профессор, Хөдөлмөрийн баатар Н.Жанцанноров, доктор (Sc.D), профессор Хөдөлмөрийн баатар С.Дулам, СУИС-ийн харьяа Соёл, урлаг судлалын хүрээлэнгийн захирал, доктор (Ph.D), профессор Ш.Эрдэнэцэцэг нар морин хуур судлалыг шинжлэх ухааны үндэслэлтэй хөгжүүлэх, өвийг баримтжуулах, судалгааны үр дүнг үндэсний болон олон улсын түвшинд түгээн дэлгэрүүлэхэд чухал алхам болж буйг онцоллоо.

Нээлтэд СУИС-ийн Эрдэм шинжилгээ, инновац эрхэлсэн проректор, доктор (Ph.D), профессор Ж.Эрхэмтөгс, СУИС-ийн Хөгжмийн урлагийн сургуулийн захирал, доктор (Ph.D), дэд профессор Ц.Цэвэгсүрэн, Монгол Улсын Хөдөлмөрийн баатар, үндэсний хөгжмийн зэмсэг урлаач П.Байгалжав, доктор (Ph.D), профессор Д.Энхцэцэг, доктор (Ph.D), дэд профессор О.Баттөгс болон бусад эрдэмтэн багш нар, урлаг судлаачид, Улсын филармонийн Морин хуур найрал хөгжим, Монгол Улсын Консерватор, Морин хуур урлаачдын холбоо, Морин хуурын багш нарын холбоо зэрэг байгууллагын төлөөллүүд оролцлоо.