Өдгөө Монгол Улс төдийгүй дэлхий нийтэд уур амьсгалын өөрчлөлт нь амин чухал асуудал болоод байгаа юм. Тэр тусмаа Монгол Улс мал аж ахуйн орны хувьд хамгийн хүнд тусаж байгаа зүйл гэвэл уур амьсгалын өөрчлөлт, түүнээс үүдсэн бэлчээрийн асуудал болоод байгаа. Тиймээс хаа хаанаа энэ асуудалд анхаарч, Уур амьсгалын өөрчлөлтийн судалгаа, хамтын ажиллагааны төвөөс “Монгол орны мал аж ахуйн салбар дахь уур амьсгалын технологийн шийдлүүд” зөвлөлдөх уулзалтыг зохион байгууллаа. Уг ажиллагаанд Хүнс хөдөө аж ахуй, хөнгөн үйлдвэрийн яам, Мал аж ахуй эрдэм шинжилгээний хүрээлэн, Мал эмнэлгийн эрдэм шинжилгээний хүрээлэн, Хөдөө аж ахуйн их сургууль, Монгол Улсын их сургууль, Метан хийн ялгарал, шингээлт зэргээр судалгаа явуулдаг эрдэмтэн судлаачид, Худалдаа хөгжлийн банк, Капитран банк болон бусад хувийн хэвшлийн төлөөлөл оролцов.

Энэ үеэр Уур амьсгалын өөрчлөлтийн судалгаа хамтын ажиллагааны төвийн захирал Ж.Чойханд, “Монпеллетс” ХХК-ийн үйл ажиллагаа хариуцсан захирал Ш.Дэлгэрмаа, Мал аж ахуй эрдэм шинжилгээний хүрээлэнгийн лабораторын судлаач П.Сүхбаатар, Мал аж ахуй эрдэм шинжилгээний хүрээлэнгимйн судлаач С.Гэрэлмаа нарын хүмүүс илтгэл тавьж, хэлэлцүүллээ. Тус зөвлөлдөх уулзалтын зорилго нь Монгол Улсын мал аж ахуйн салбарт уур амьсгалын технологийн шийдлүүдийг өргөн хүрээнд нэвтрүүлэх, замаар метан хий бууруулах зорилтыг хэрэгжүүлэхэд хувь нэмэр оруулах бөгөөд олон санал санаачилга гарч, зөв зүйтэй гарц гаргалгааг хэлэлцсэн юм.

Мөн үеэр Уур амьсгалын өөрчлөлтийн судалгаа, хамтын ажиллагааны төвийн дарга Ж.Чойханд: “Сүүлийн гарч байгаа тайлангуудыг харахад агаарын дандаж температур, хуурайшлын эрчим нэмэгдэж, хур тунадасны хуваарьт өөрчлөлт орж, ган зудын давтамж ихэсч байна. Даян дэлхийн ногоон хөгжлийн институтээс Монгол Улсад “Үндэсний тодорхойлсон хувь нэмрийг хэрэгжүүлэх болон уур амьсгалын өөрчлөлтийг орон нутгийн хөгжлийн төлөвлөлтөд тусгах институцийн болон техникийн чадавхыг бэхжүүлэх” төслийг хэрэгжүүлснээ дуулгасан юм.

С.Баяр