Дундговь аймаг саяхныг хүртэл дайран өнгөрөх суурин мэт байсан. Үүгээр ч зогсохгүй Монгол Улсын 21 аймгийн хувьд хөгжил, цэцэглэлт, өрсөлдөх чадвараар жил бүр баян ходоод болж, энэ хэрээрээ хүн ам нь жилээс жилд багассаар нэг л өглөө эзэнгүй туурин болон үлдэх хувь тавилантай гэмээр оршин байсныг бид эгээтээ л мартаагүй. Гэхдээ муу л юм болвол баруун гэрийн бор овоохой гэдэг шиг эвдэрхий зам, эзгүйрэх шахсан аймгийн төв өдгөө олны анхаарлын төвд орж, ийм нэгэн аймаг байсныг сануулан, хаврын анхны яргуй ургахтай зэрэгцэн өнгөө засаж, өөрчлөлт шинэчлэлтээр зүсээ хувилган 2024-2028 оны хугацаанд "Хөдөөгийн сэргэлт-Шинэ Дундговь" хэмээх хөтөлбөрийг хэрэгжүүлж 2025 оныг амьдрах таатай орчин, тав тухыг бүрдүүлж шилдэг, үлгэр жишээ аймаг болох ажээ. Тэдний зорилго эхнээсээ биелж замын хүмүүс дайран өнгөрөхөөсөө илүү түр саатан тухалдаг аймаг болж байна. Тэгвэл Дундговь аймгийн сэргэлт, шинэ өнгө төрхийн талаар тус аймгийн Засаг дарга С.Мөнхчулуунтай ярилцсан юм. Ярилцлага бичлэг хэлбэрээр бүрэн эхээрээ хүрч байгаа тул анхаарал татах хэсгийг тоймлон уншигчдадаа хүргэе. 

ДУНДГОВЬ АЙМГИЙН ТАЛААРХ 10 ТОЙМ

1. ДУНДГОВЬ аймаг багш, эмч, инженер, хэвлэл мэдэээллийн ажилтан, эвлүүлэгч, нягтлан гэх мэт бүхий л мэргэжлээр 170 орчим нээлттэй ажлын байрны сонгон шалгаруулалт зарлажээ. 

2. Ажлын байрны мэдээллийг Дундговь аймаг Засаг даргын Тамгын газар болон Монгол Улсын Төрийн албаны Зөвлөл  хуудсаар дамжуулан авах боломжтой. 

3. Дундговь аймгийн сонгон ажиллаж, амьдархаар ирсэн иргэдэд 3 жилийн хугацаанд түрээсгүй орон сууцаар хангах, малжуулах, өвлийн идшээр хангах гэх мэт хэрэгцээгээр боломжоороо хангана

4. Улаанбаатар хоттой ойрхон буюу 270 км засмал замаар холбогдсон, Байгалийн үзэсгэлэнт газруул ихтэй, амьдархад таатай нутаг юм

5. Утаагүй, түгжрэлгүй, стресс бага, амьжиргааны өртөг ч бага

6. Өмнөх жилүүдэд тогмтол буурч байсан хүн амын тоо энэ оны дөрөвдүгээр сарын байдлаар өссөн таатай үзүүлэлт гарчээ

7. "Нээлттэй Дундговь" "Нутгийн хишиг" хөтөлбөрийн хүрээнд төрийн албан хаагчдын цалин 50-180 хувь хүртэл нэмэгдсэн байна

8. Хэрэв та Дундговь аймгийг сонгон амьдрах бол хашаа байшин, хувийн сууц барих газар, дэд бүтцийг асуудалд орон нутгаас дэмжлэг үзүүлнэ

9. 2026 оноос эхлэн үйлдвэржилт, аялал жуулчлалыг хөгжүүлэхэд түлхүү анхаарна

10. Өрсөлдөх чадвараар 21 дүгээр байрнаас үсрэнгүй урагшилна 

ЯРИЛЦЛАГЫГ ҮЗЭХ: