АТГ, АТГ-ын ОНЗ-ийг шахаж ажиллах, авлигачидтай тэмцэх зорилготой "Авлигын эсрэг олон нийтийн сан"-гийн нээлт боллоо. Тус сангийн тэргүүнээр иргэн Д.Мөнх-Эрдэнэ ажиллах юм.

Сангийн үйл ажиллагааг нээж Д.Мөнх-Эрдэнэ хэлсэн үгэндээ “Монгол Улс Үндсэн хуулиар эх орондоо хүмүүнлэг, ардчилсан нийгмийг  хөгжүүлэхийг эрхэм зорилго болгон тунхаглаж, хүний эрх, эрх чөлөөг дээдэлсэн 30 жилийн ардаа үджээ. Өнөөдөр бодит байдлыг эргэлцүүлбэл, Монголын нийгэмд ТА, БИ, БИД хэр сэтгэл хангалуун байна вэ?. Энэ бол иргэд, олон нийтээс асууж буй нээлттэй асуулт юм. Бид хожиж явна уу, алдаж явна уу гэдгийг эргэцүүлэн тунгаацгаая. Одоогийн нийгэмд бугшсан авлигал гэдэг хорт зуршлаас

Нэгдүгээрт, нийт иргэдийн шударгаар аж төрөх нөхцлийг хангуулахын тулд

Хоёрдугаарт, иргэний хууль ёсны тэгш эрхийг хангахын тулд

Гуравдугаарт, Бидний өөрсдийн оролцоо хувь нэмрээ зориулах зайлшгүй шаардлага үүссэн гэж үзэж, улмаар эрх мэдэл албан тушаалтны давуу байдлаа урвуулан ашиглаж хууль тогтоомжид үл нийцсэн үйлдэл хийдэг, аливаа шударга бус ажиллагааг хийсээр ирсэн эрх мэдэлтэн, албан тушаалтнуудын үйлдэл, үйл ажиллагаанд хяналт тавихаар нэгдэн нийлж, хуран цуглаж байна. Бидний энэ нэгдэл нь ирээдүй хойч, үр хүүхэд, залуу дүү нартаа хүний эрх, эрх чөлөө, шударга ёс, эрхзүйт нийгмийн тогтолцоог хүлээлгэн өгөх боломжийг бий болгон өртөөчлөхөд чиглэж байна. Монголчууд бид хэзээч үр хүүхэд, ач, зээ нартаа хүн төрөлхтний нийтлэг ололт амжилтаас бага эрх эдлүүлэх боломжийг хүлээлгэн өгөх ёсгүй. 1996 онд Авлигын эсрэг хууль батлагдаж, 2005 онд Авлигын эсрэг НҮБ-ын конвецид албан ёсоор нэгдэн орж соёрхон баталсан бөгөөд 2006 оноос өнөөгийн хүчин төгөлдөр мөрдөгдөж буй Авлигын эсрэг хууль хэрэгжиж эхэлсэн.  Түүнчлэн, 2012 онд Нийтийн албанд, нийтийн болон хувийн ашиг сонирхлыг зохицуулах Ашиг сонирхлын зөрчлөөс урьдчилан сэргийлэх хуулийг баталсан. Гэвч Авлигын эсрэг хууль хэрэгжихгүй байна. Хувийн ашиг сонирхлыг хуулиар зохицуулахгүй юм байна гэдэг өдрөөс өдөрт харагдаж байна. Харин өнөөдөр та бүхний тууштай дэмжлэгийн үр дүнд “Авлигын эсрэг олон нийтийн сан” үүсгэн байгуулагдаж, нээлтээ хийж байна. Өнөөдөр авлигад хариуцлага тооцдог эрхзүйн орчин нэн хэрэгтэй байна"  хэмээлээ