МУИС-Д ХИМИЧ МЭРГЭЖИЛТЭН БЭЛТГЭЖ ЭХЭЛСНИЙ 70, 71 ОЙД ЗОРИУЛСАН "МУИС-ИЙН ХИМИЙН САЛБАРЫН НИЙТ ТӨГСӨГЧИД, БАГШ НАРЫН "BACK TO STUDENT" УУЛЗАЛТ  ЭНЭ АМРАЛТЫН ӨДРҮҮДЭД ЗОХИОН БАЙГУУЛАГДСАН БӨГӨӨД ЭНЭ ҮЕЭР ТӨГСӨГЧДИЙН ТӨЛӨӨЛӨЛ БОЛОХ ХИМИЙН АНХНЫ ОЛИМПИАДЫН АВАРГА, ЭРДЭНЭТ ҮЙЛДВЭРИЙН ХИМИЧ  Р.УЛААНХҮҮТЭЙ ЯРИЛЦЛАА.

Р. Улаанхүү: Миний бие 1996 онд МУИС-ийг химич мэргэжлээр төгссөн.  Одоо Эрдэнэт үйлдвэрт химич мэргэжлээрээ ажиллаж байна. Би Монгол улсын их сургууль, химич мэргэжлээрээ бахархаж явдаг. Бид өдөр бүр химийн бодис хэрэглэж, химийн урвал явуулдаг. Юмс үзэгдлийн зүй тогтол бүрт химийн  шинжлэх ухаан оролцдог. Химичид бид улс орныхоо хөгжлийг манлайлагч нь байх учиртай. Дэлхийн 8 их гүрний удирдагчдын 3 нь химич нар байна.  Уламжлалт аж ахуйн бүтээгдэхүүнийг дэлхийд гаргахад  химич  нарын үүрэг их байх жишээний. Би химийн анхны  олимпиадны аварга. Эрдэнэт хотдоо жил бүр химийн тэмцээнийг явуулдаг.

Энэхүү тэмцээнээр дамжуулан өсвөр үеийнхэнд  Химийн шинжлэх ухааныг танин мэдүүлэх  химич мэргэжилтний давуу талыг ухааруулах, мэргэжлээрээ бахархах хүсэл эрмэлзлийг бий болгох, химийн шинжлэх ухаанд дур сонирхолтой болгох, бодит амьдралын хэрэглээ, ач холбогдол, үүргийг сурталчлан таниулахыг  зорьж байна.

Дашрамд дурдахад: Химийн шинжлэх ухааны чиглэлээр олон улсын хөгжлийн нийтлэг чиг хандлагад нийцсэн шаталсан сургалт эрдэм шинжилгээний үйл ажиллагаа явуулж улс орны хөгжилд далайцтай хувь нэмэр оруулж байгаа МУИС-ийн ШУ-ны сургуулийн Химийн тэнхим нь   Химич, Химийн багш гэсэн  мэргэжлээр бакалавр, магистр, докторын шаталсан сургалтыг явуулдаг. Тус сургуулийг төгсөгчид шинжлэх ухаан, боловсрол, эдийн засаг, аж үйлдвэр, уул уурхай зэрэг олон салбарт амжилттай ажиллаж байна. МУИС-ийн “Химийн салбарын төгсөгчдийн холбоо” ТББ –аас МУИС-д химич мэргэжилтэн бэлтгэж эхэлсний 70, 71 ойд зориулсан "МУИС-ийн химийн салбарын нийт төгсөгчид, багш нарын "BACK TO STUDENT" уулзалтыг   энэ амралтын өдрүүдэд амжилттай зохион байгууллаа.  МУИС нь шинжлэх ухааны суурь чиглэлүүдээр сургалт, судалгааны ажил эрхлэн явуулдаг мэргэжлийн 19 тэнхимд 470 гаруй багш, 90 орчим ажилтан, бакалаврын түвшний 9200 гаруй оюутан, ахисан түвшний 1900 гаруй суралцагчтайгаар үйл ажиллагаа явуулж, 36 багц хөтөлбөрөөр бакалаврын, 41 хөтөлбөрөөр магистрын, 24 хөтөлбөрөөр докторын сургалт эрхэлж байна.