Өнөөдөр /2022.07.22/ Шүүхийн шийдвэр гүйцэтгэх байгууллагын ажилтны өдөр тохиож байна. Эл өдрийг 2022 оноос эхлэн 10 дахь жилдээ тэмдэглэн өнгөрүүлж буй.

Шүүхийн шийдвэр гүйцэтгэх байгууллагын 100 жилийн ой 2021 онд тохиож, түүхэн ойг тохиолдуулан ШШГЕГ-ын тэргүүн дэд дарга Д.Дамдинцэрэнд бригадын генерал цол олгосон юм. Энэхүү баярт үйл явдал алтан мөрдөст генерал цол удам залгасан,  ховорхон тохиолдын нэг байв.

Манай улсад аав, хүү хоёул цэргийн дээд цолонд хүрсэн тохиолдол хоёр бий. Нэг нь дэслэгч генерал Г.Дамдинсүрэн, түүний хүү бригадын генерал Д.Дамдинцэрэн нар юм. Ховор тохиолдлын түүхэн хэлхээн анхдагч нь хурандаа генерал Б.Цог болон түний хүү хошууч генерал Ц.Геннадий нар билээ. Харин хоёр дахь удам залгасан алтан мөрдөстөн болсон  ШШГЕГ-ын тэргүүн дэд дарга, бригадын генерал Д.Дамдинцэрэнгийн хувьд аав нь Зэвсэгт хүчний жанжин штабын дарга, Зүүнбаян дахь дивизийн захирагч, Улсын иргэний хамгааллалтын газрын даргаар тус тус ажиллаж байсан дэслэгч генерал Г.Дамдинсүрэн юм.

Хууль зүйн ухааны доктор (Ph.D), профессор, Бригадын генерал Д.Дамдинсүрэн нь НАХЯ-ны Цэргийн дээд сургуулийг эрх зүйч мэргэжлээр 1992 онд төгсмөгцөө Багануур дахь 0427 дугаар хорих ангид төлөөлөгчөөр ажлын гараагаа эхэлж байжээ. Түүнээс хойш тасралтгүй Шүүхийн шийдвэр гүйцэтгэх байгууллагад 34 жил ажилласан байна. Энэ хугацаанд төлөөлөгч, ангийн дэд дарга, ангийн дарга, албаны даргаас эхлээд Шүүхийн шийдвэр гүйцэтгэх ерөнхий газрын дарга, тэргүүн дэд даргаар дэвшин ажиллаж шүүхийн шийдвэр гүйцэтгэх байгууллагын бүтэц, зохион байгуулалтаас эхлээд түүхэн олон ажилд гар бие оролцож, нэр, мөрөө үлдээж явааг энэ өдөр тодотгох нь зүйтэй биз ээ.