Маргааш /2025.02.22/ Ховд аймгийн МАН-ын хорооны даргыг сонгоно.Намын даргад М.Ганзориг, Д.Авирмэд, Т.Жаргалсайхан, Г.Пүрэвганди, Ш.Батжаргал, Э.Алтан-Од нар нэр дэвшихээр нэрсээ бүртгүүлжээ. Эдгээр нэр дэвшигчдээс М.Ганзориг, Т.Жаргалсайхан нар нь Батлан хамгаалахын сайд, УИХ-ын гишүүн С.Бямбацогтын уралдуулж байгаа морьд юм. Бид өмнө нь С.Бямбаяцогт сайдын нагац ах М.Ганзоригийн хууль буй үйл ажиллагаа, тендер, мөрийтэй тоглоомын талаарх мэдээллийг бэлтгэн хүргэсэн. Харин энэ удаад С.Бямбацогт сайдын хөтөлгөө морь, 5%-ийн Т.Жаргалсайхны талаарх мэдээллийг хүргэхээр бэлдлээ.

Ховд аймгийн Засаг даргын орлогч асан Т.Жаргалсайханыг нутгийнхан нь 5%-ийн Жагаа гэж хочилдаг. Учир нь Т.Жаргалсайхан нь тендерийн наймаачин бөгөөд тус бүрээс 5%-ийг авдаг аж. Олон хавар нэгэнтээ гэгчээр Т.Жаргалсайхан 20 гаруй компанид тендер хууль бусаар олгож, түүнээсээ хувь аван мөнгө угаасан хэрэгт холбогдон АТГ-т шалгуулж байна.

Түүний бас нэг дуулиан дагуулсан хэрэг нь улсын төсвийн тав орчим тэрбум төгрөгийн төсвөөр Ховд аймгийн Жаргалант сумын Магсаржав багийн нутаг дэвсгэрт 50 ортой хүүхдийн шинэ эмнэлэгийг чанар, стандартын шаардлага хангахгүй, дутуу гүйцэтгэлтэй барьснаас болж тус барилга усанд живэх шахсан удаатай. Тэгвэл тус эмнэлэгийн барилгыг Т.Жаргалсайхан  болон түүний төрсөн ах Т.Бямбажаргал нарын хамтран эзэмшдэг “Мотоблок” ХХК гүйцэтгэж, улсын комиссоор нь Т.Жаргалсайхан өөрөө ажиллаж, гарын үсгээ зураад хүлээгээд авчихсан байгаа юм.

Мөн өөрийн хүү Ж.Түвшинжаргал, найз Х.Төгөлдөр /хөгжмийн зохиолч Хүрэлбаатарын хүү гэдгээр нь Ховдчууд мэднэ/ нартай хамтран мөнгө угаах гэмт хэрэг үйлддэг байна. Тодруулбал, Х.Төгөлдөрийн хадам аав Цэен-Ойдовын "ИТГЭЛ" баарыг мөнгө угаах хэрэгсэл болгон ашигладаг бөгөөд Цэен-Ойдов болон түүний эхнэр Н нарын дансаар ихэвчлэн гүйлгээ хийдэг ажээ.

Ямартай ч С.Бямбацогт сайд аймгийн намын хорооны даргын сунгаанд хөтөлгөө морьтой орсон ч М.Ганзориг, Т.Жаргалсайхан нарын аль аль нь төрийн мөнгөөр гараа угааж, түмний боломжийг хулгайлагчид байгаа нь харамсалтай.