Шарк, "UB групп"-ын үүсгэн байгуулагч, ТУЗ-ийн дарга Ц.Батбаатар гэж нэг нөхөр байх. "Хүүхдээ багаас нь зовлон үзүүлж сургахаар“ автобусанд суулгана гэсэн пост оруулж, зовлонтой ард түмнээрээ даажин хийлээ хэмээн шүүмжлэлийн бай болж явсан удаатай тэрбээр барилга бүтээн байгуулалт, уул уурхайн зэрэг найман салбарт 20 гаруй охин компанитай гэгддэг.

Монголын зах зээлд хийгээгүй юмгүй гэдэг шиг олон салбарт үйл ажиллагаа явуулдаг гэх цагаан дээр хараар бичсэн намтар байх ч хийсэн үйлдсэн нь нүдэнд харагддаггүй нууцлаг тэрбээр Ж.Энхжаргалантай хамтран BRB койн гаргасныг нь харин олон хүн мэдэх байх. Монголын соёлын контентыг дэлхийд экспортолно гэх сүржин амбицтайгаар “Circle park” төслөө хэрэгжүүлж, койн арилжаалсан гэх. Нэгэн үе олныг хуйлруулж хожмоо хямрааж, эдийн засгийн хямралд оруулсан балагт койнчдын нэг гэсэн үг л дээ. Товчхондпоо өдгөө олон койнууд шалгагдаж байгаагийн нэг нь тэднийх.

Улаанбаатар групп ХХК-ийн Ерөнхий захирал, үүсгэн байгуулагч Ц.Батбаатар  2006 онд компаниа үүсгэж байгуулсан юм билээ. Түүний голлох хоёр бизнесийн нэг нь барилгын салбар. Улаанбаатарыг утаагүй болгоход хувь нэмрээ оруулахаар 20.000 ногоон орон сууцыг ашиглалтад оруулахаар ажиллаж байна гэж мэдэгдсэн нь харин олон жилийн өмнөх явдал.  Буруу санаагүй бол аль 2022 онд өнөө 20 мянган айлынх нь 3000 мянгыг нь барьж байгуулчихсан, байр савандаа иргэд орж, Улаанбаатарын утаа учиргүй их биш юмаа гэхэд ядаж 0,1 хувиар буурчихсан байх учиртай ч таг чиг байсаар өнөөг хүрсэн.  

Эргэн сануулахад, Тэмээтэй хөшөөтэй уулзварын зүүн талд ШАРК Ц.БАТБААТАР барилга барина хэмээн хашаа хатгаж, барилгын суурь ухсанаас хойш даруй хоёр жил өнгөрсөн. Уг барилгын нүх зуны усархаг бороонд хэдэнтээ дүүрч хальсан бөгөөд үүний улмаас хөрсний нуралт үүсч, ойр хавийн барилгуудыг цахилгаанаар хангадаг 10 гаруй өндөр хүчдэлтэй цахилгааны утаснууд ил гарч, иргэд аюулгүй байдал алдагдлаа хэмээн шүүмжилж байсан ч асуудлыг шийдэлгүй анир гүмхэн байсаар өнгөрсөн.

Олон мянган хүний амь насанд ноцтой аюул заналхийлэл учруулах эрсдэлтэй уг үйлдлийнх нь  талаар нэг иргэн УБЦТС компанид гомдол гаргасан боловч хоёр ажилтан нь ирж үзчихээд ямар ч арга хэмжээ авахгүй буцаад явсан гэдэг. Чухам тэр үеэс л Шарк Ц.Батбаатар асар их хөрөнгө мөнгөтэй, улс төрд нөлөө бүхий танил талтай учраас түүний энэхүү зүй бус үйлдэлд хариуцлага тооцож чадах ямар ч эрхэм энэ улсад байхгүй гэх яриа түгсэн.

Тэгтэл саяхнаас өнөө Хан-Уул дүүргийн тэмээтэй хөшөөтэй уулзварын зүүн талд хажууд ухагдсан нүхэнд барилга барьж эхэлсэн. Уг газарт уг нь Женкогийн “Хьюндай моторс” үйл ажиллагаа явуулдаг байсныг нийслэлчүүд андахгүй. Яагаад төлөвлөлттгүй хотын гамшгийг түмэн олноороо хүртээд, зовоод байхад боломжгүй газар барилга бариад унав гэтэл өнөө ногооон барилгажилтын ажил өрнөж байгаа нь тэр гэнэ. Бүр тодруулбал, Шарк Ц.Батбаатарын компани уг барилгын  ажлыг эхлүүлжээ. Ил мэдээлэлтэй зэрэгцэн энд хууль бус хөрөнгө эргэлдэж байгаа юм биш биз гэх хардлага гарлаа.

Ийн хардах болсон шалтгаан мань эрийг УИХ-ын дарга Д. Амарбаясгалан, экс хотын дарга Д.Сумъяабазартай үй зайгүй нөхөрлөдөг гэх сурагтай холбоотой. Тэр ч утгаараа Бор тээгийн уурхайгаас хууль бусаар ашиг олсон гэх шүүмжлэлд өртөөд Д.Амарбаясгалангийн нүүрсний хулгайн мөнгийг барилгын салбараар дамжуулан угааж байна гэх шүүмжлэл гарсан. Шалгах л ёстой, АТГ-ынхан... Өдгөө Улаанбаатарт, тэр дундаа А бүсэд баригдаж буй тэнгэр багандсан барилгуудын санхүүжилт болоод цаад эздийг шалгавал өнөө Баялгийн болон хуримтлалын сан маань цулайгаад л явчих байх шүү. Ажлаа хий АТГ-ынхан...