Монгол Улсын 32 дахь Ерөнхий сайд Л.Оюун-Эрдэнэ таван жил ажиллаад огцров. УИХ түүнд итгэл үзүүлсэнгүй. Итгэл үзүүлсэнгүй гэхээс илүүтэй МАН доторх бүлэглэлтийн зодоонд АН хүч нэмснээр мань эр суудлаасаа албан ёсоор буув. АН засгаас гарах ч Ерөнхий сайддаа итгэл үзүүлнэ гэж байсан үгнээсээ буцав. Үр дүнд нь өдгөө дараагийн Ерөнхий сайд хэн болох бол гэх таамаг өчигдөр шөнөөс эхлэв.

Өөрөөр хэлбэл, дараагийн Ерөнхий сайдыг томилох хуулийн заалтын хугацаа өдөр хоногоор нарийвчлагдан тоологдож эхлэв. Үндсэн хуулийн 43 дугаар зүйлд зааснаар Ерөнхий сайд огцорвол Засгийн газар бүрэлдэхүүнээрээ огцорч, шинэ Ерөнхний сайдыг 30 хоногийн дотор томилох ёстой. Хэрэв 30 хоногийн дотор буюу 2025 оны долдугаар сарын 3-ны дотор дараагийн Ерөнхий  сайдыг томилж чадахгүй бол УИХ-ын тухай хуулийн 34.3.2, 34.3.3-т заасны дагуу Ерөнхийлөгч УИХ-ыг тараах шийдвэр гаргах заалттай. Дараагийн Засгийн газрыг бүрдүүлж, сайд нарыг нь ажилд томилох хүртэл одоогийн сайд нар ажлаа хийнэ.

 Энэ хугацаанд Ерөнхий сайдыг Тэргүүн шадар сайд Л.Гантөмөр орлож, төрийн ажлыг цалгардуулахгүй явуулах үүрэгтэй. Ямартай ч дараагийн Ерөнхий сайдад Ш.Занданшатар, Ж.Энхбаяр, Б.Жавхлан,  Л.Мөнхбаатар нарын нэр яригдаж байна.