Монгол Улсын Их Хурал Ерөнхий сайд Лувсаннамсрайн Оюун-Эрдэнэд итгэл хүлээлгээгүй тул огцорлоо. Итгэл үзүүлэх эсэх тухай санал хураалт авлигын хэргээр олон хоног үргэлжилсэн олон нийтийн эсэргүүцлийн жагсаалын дараа болсон юм. Олон нийтийн эсэргүүцлийн жагсаал Ерөнхий сайдын хүү О.Тэмүүлэнгийн төрсөн өдрийн тансаг үдэшлэг, 20 саяар үнэлэгдсэн сүйн бөгжийн дуулианаар эхэлж, орлогоо нотлохыг шаардсанаар эхэлсэн.

2021 онд үүрэгт ажлаа хүлээн авсан Л.Оюун-Эрдэнэ хуулийн дагуу  Ерөнхий сайдын үүрэг гүйцэтгэгчийг томилох хүртэл буюу 30 хоног үүргээ гүйцэтгэнэ. 

Тэрбээр санал хураалтын дараа "Эх орон, ард түмэндээ тахал өвчин, эдийн засгийн хүнд үед  үйлчлэх нь нэр төрийн хэрэг байсан" гэж хэлэв. Тэрээр олонхи буюу 126 суудалтай парламентын 64-ийг авч чадаагүй тул огцрохоос өөр аргагүй болсон. Нууц санал хураалтад 82 гишүүн оролцсоноос 44 нь Оюун-Эрдэнийг дэмжиж, 38 нь эсрэг санал өгсөн байна. 

Ташрамд дуулгахад, Оюун-Эрдэнийг огцрохыг шаардаж, санал хураахаас хоёр долоо хоногийн өмнө олон зуун жагсагчид, тэдний ихэнх нь залуучууд гудамжинд жагссан юм. Жагсагчид түүний гэр бүлийнхэн, ялангуяа хүүгийнх нь тансаг амьдралын хэв маягийг онцолж, баялгийн эх сурвалжид эргэлзэж буйгаа илэрхийлж байсан юм. Харин Л.Оюун-Эрдэнэ авлига авсан гэх мэдээллийг үгүйсгэж, шүүмжлэгчид өөрийг нь гүтгэх кампанит ажил эхлүүлсэн хэмээн буруутгаж байгаа юм.

ЭХ СУРВАЛЖ: www.bbc.com