Улсын арслан М.Бадарчид холбогдох Монголын Олон улсын ба үндэсний Спортын арбитрын болон допингийн Давж заалдах комиссын хуралдаан өнгөрсөн долоо хоногт болсон. Тэгвэл үүнтэй холбоотойгоор М.Бадарч, О.Хангай нарын хооронд зөрчил үүсэж эхэлсэн байна.

Тодруулбал,Өчигдөр Улсын аварга О.Хангай допингийн асуудлаар өөрийн үзэл бодлоо хэлэхдээ "Допинг хэрэглэж бусдын боломжийг хулгайлсан нөхдүүдийн ичих булчирхай нь алга болчихдог юм биш үү? Би та нарын оронд байсан бол ичээд гэрээсээ ч гарахгүй байсан байх" хэмээн 2023 оны Улсын наадмын түрүү бөх М.Бадарчид хандсан байж болзошгүй байдлаар үзэл бодлоо илэрхийлсэн байна,

Харин Улсын арслан М.Бадарч өөрийн цахим хуудаснаа О.Хангай хоёулаа ДНК-ийн шинжилгээ өгье. Би угаасаа өгье гээд байгаа, чи түрүүлсэн жил болон харцага болсон жилийнхээ Б савыг ДНК-ийн шинжилгээнд өгчих, шээс сольсон байна уу үгүй юу гэдэг нь нотлогдоно шүүдээ. Үсний хуйх, хурууны хумсаар шинжилгээ авна шүү дээ.

Чамайг харцагуудын халз барилдаанд шинжилгээнээс зугтаасныг бөх сонирхогчид олноороо ярьж чамаас асуусаар ирлээ.

Мөн шээс солих гэж байсныг би харсан гээд чи хэлсэн, хэн гэдэг бөх шээсээ солих гэж байсныг яагаад хэлэхгүй байгаан бэ. Ард түмэнд баатар болох гэж поопроод яахавдээ" гэжээ.