Сүүлийн өдрүүдэд хэвлэл мэдээллээр Баян-Өлгий аймгийн Иргэдийн хурлын төлөөлөгч Х.Нурболатын хууль зөрчсөн үйлдлүүдийн талаарх мэдээлэл цацагдах болсон.

Түүнийг хоёр жилийн дотор 10 тэрбум төгрөгийн тендэр авсан, Цагааннуур боомтын гаалийн дарга дүү Х.Нурбахиттайгаа хамт хууль бусаар автомашин оруулж ирж худалдаалдаг, хуурамч димпломын хэрэг нь шүүхээр тогтоогтож ял шийтгүүлсэн зэрэг хууль зөрчсөн үйлдлүүдийг нь баримттайгаар мэдээлж байна.

Үүнээс анхаарал татаж байгаа асуудал нь Х.Нурболатыг Баян-Өлгий аймгийн Цахилгаан шугам сүлжээний газрын даргаар томилохоор зүтгүүлж буй юм.

Угтаа Х.Нурболатыг тус албан тушаалд томилогдох зарим шаардлагыг хангахгүй байгаа тул Баян-Өлгий аймгийн Цахилгаан шугам сүлжээний газрын даргын албан тушаалын тодорхойлолтод заасан шаардлага хангасан этгээдийг нэр дэвшүүлж, дээрх хуулийн зохицуулалтыг хэрэгжүүлж ажиллахыг үүрэг болгосон зөвлөмж бүхий 2023.07.19-ний өдрийн 05/11977 тоот албан бичиг АТГ-аас Засаг дарга А.Камелиятад хаяглан хүргэгджээ.

Мөн Монгол Улсын Засгийн газрын Хяналт хэрэгжүүлэх газраас 2023.08.09-ний өдрийн 02/627 тоот албан бичигт мөн л Х.Нурболатыг тус албан тушаалд томилохгүй байх агуулгыг тов тодорхой бичсэн байна.

Гэвч аймгийн Засаг дарга А.Камелият нь Засгийн газар, АТГ-ын зөвлөмж, шийдвэрийг үл тоон Х.Нурболатыг Цахилгаан шугам сүлжээний газрын даргаар томилохоор улайран зүтгэсээр байгаа юм.

А.Камелият ийнхүү улайрч байгаа нь нэг бол хөрөнгө мөнгөний ашиг сонирхолтой гэх боловч хоёр дахь нь унждаг улаанаа захирч чадаагүйн алдаанаасаа болж Х.Нурболатад "шантаажлагдаж" байгаа гэх.

Учир нь А.Камелият нь 5 орчим жилийн өмнө аймгийн Засаг даргын орлогчоор ажиллаж байсан бөгөөд тухайн үед 20 нас ч хүрээгүй А гэх эмэгтэй рүү бичсэн мессэж, явуулсан зураг нь ил болж хэсэгтээ л хэл амны бай болсон. Тус үйл явдлыг нуун дарагдуулахаар А.Камелият хэрэндээ л хичээж адаг сүүлд Засаг даргын орлогчын албан тушаалаа өгсөнөөр мартагдсан юм.

Хэдий түүнийг албан тушаалгүй нам гүм байсан цаг хугацаанд тус хэрэг ч мартагдсан бөгөөд Засаг даргаар томилогдохтой зэрэгцэн өмнөх асуудлууд нь сөхөгдөж Засгийн газар, АТГ-ын зөвлөмж, шийвдэрийг дагаж, мөрдөж чадахгүй байдалд хүргэн, асуудалдаа барьцаалагдан дээшээ тэнгэр хол, доошоо газар хатуу яваа бололтой.