Ховд аймгийн Газрын харилцаа, барилга хот байгуулалтын газрын дарга Э.Дөлбадрал ажлаасаа чөлөөлөгджээ.

Учир нь Э.Дөлбадралыг  АТГ-аас яллагдагчаар татан шалгаж байгаа юм. Тэрээр Ховд аймгийн газрыг хууль бусаар зарсан, төсвийн мөнгийг хувьдаа зарцуулсан, согтуугаар жолоо барьж орон нутгийн зам дээр ноцтой осол гаргасан зэрэг хэрэгт холбогддог.

Мөн Ховд аймагт өрнөсөн ГУРВАН ТЭРБУМ ТӨГРӨГИЙН тендерийн "хулгайд" оролцсоныг бид өмнө нь мэдээлж байсан. 

Өмнөх мэдээллийг ЭНД дарж уншина уу.

Эргэн сануулахад  2022.03.14-ний өдөр байгуулагдсан БШУЯ/202212062 дугаар бүхий ажлын гэрээнд "Тендерт шалгарсан "Богоч констракшн" ХХК-ийн 2022 оны 03 дугаар сарын 07-ны өдрийн 22/31 тоот албан бичгэнд тусгагдсан гүйцэтгэгчийн эрхийг "Би Эм Жи Юу" ХХК-д шилжүүлэн өгсөн" тухай тодоос тод дурдчихаад байхад илтэд хууль зөрсөн заалттай энэхүү гэрээнд Ховд аймгийн Засаг даргын Тамгын газрын Хөгжлийн бодлогын төлөвлөлт, хөрөнгө оруулалтын хэлтсийн дарга Б.Баярсүх, ахлах мэргэжилтэн Б.Түмэндэмбэрэл, Жаргалант сумын Засаг дарга Ц.Цогтбаяр, Газрын харилцаа, барилга хот байгуулалтын газрын дарга Э.Дөлбадрал, тус газрын Барилга хот байгуулалтын хэлтсийн дарга З.Өмиртай нар гарын үсэг зурж хууль зөрчсөн байдаг. 

Энд нэр нь дурдагдаж байгаа албан хаагчид хуулийн байгууллагад шалгах баримтыг хөндөн мэдээлсэн. Тэгвэл эдгээр албан тушаалтнуудыг хэзээ шалгаж, хариуцлага хүлээлгэх вэ?