Засгийн газрын өнгөрсөн нэгдүгээр сард болсон хуралдаанаар Мал эмнэлгийн ерөнхий газрын дарга Б.Ганзоригийг ажлын хариуцлага алдсан шалтгаанаар ажлаас чөлөөлсөн байдаг. Мөн түүнтэй хамт Эм, эмнэлгийн хэрэгслийн хяналт зохицуулалтын газрын дарга Б.Цэцэгсайханыг ажлаас нь чөлөөлсөн.

Шүлхий өвчин дэгдэхэд зохих арга хэмжээг авч ажилласангүй, малын вакцинжуулах ажлыг хангалтгүй хийсэн гэдэг шалтгаанаар ажлаас чөлөөлсөн гэж байгаа ч цаанаа өөр учир шалтгаан байсан биз.

Ер нь мал эмнэлгийн ерөнхий газар гэж төсвөөс хэдэн тэрбумаар нь гаргуулаад сууж байдаг айхавтар газар байдаг.  Гэвч тэр их төсөв мөнгийг хэрхэн зөв зарцуулж байгаа нь олон нийтэд тийм ч ил биш.

Өдгөө “Мах импекс” ХК-д малын эмч хийж байсан Д.Батчулуун тус газрын даргаар ажиллаж байгаа. Түүнийг ажлаа авснаас хойшх шилэн данстай нь танилцахад 100 саяас дээшхи үнийн дүнтэй хэдхэн худалдан авалт нь Монветмед ХХК, Дээд эрхэт ХХК-иуд руу шилжсэн бол 10 саяас дээш үнийн дүнтэй ажлууд нь доорх нэр бүхий компаниуд руу ажил гүйцэтгэл гэсэн утгатайгаар шилжээ.

Тэгвэл энэ сар дөнгөж гарч байхад доорх өндөр дүн бүхий худалдан авалтыг Ветбиотех ХХК руу шилжүүлсэн бол тандалтын ажлыг зохион байгуулсан гэж нэр бүхий компаниуруу 213 орчим сая төгрөгийн гүйлгээг хийжээ.

Энэ мэт сүүлийн жилүүдэд даргалж байсан, даргалж байгаа удирдлагуудынх нь талаар товч сийрүүллээ. Тэгвэл тэднээс өмнө тус газрыг удирдаж байсан Д.Түмэндэмбэрэл нь бараг л энэхүү газрыг анхлан байгуулахад томилогдож байв. Тодруулбал, Монгол Улсын Их хурлаас Мал, амьтны эрүүл мэндийн тухай хуулийг 2017 оны арванхоёрдугаар сард баталж, 2018 оны зургаадугаар сараас хэрэгжиж эхэлсэн.  Зургаадугаар сарын 20-ны өдрөөс Мал эмнэлгийн ерөнхий газар байгуулагдан үйл ажиллагаагаа явуулж эхэлсэн байдаг.

Тэгэхээр анхны дарга гээд хэлчихэд хэлсдэхгүй. Харин түүнийг сүүлийн жилүүдэд АТГ-аас шалгаж эхлээд байгаа юм. Хамгийн хачирхалтай нь Д.Түмэнжаргал тус газарт томилогдсон цагаасаа хойш хоёр жил гаруйн хугацаанд тасралтгүй мөнгө угаасан гэмт үйлдэлд яллагдагчаар татагджээ.

АТГ-ын өгсөн мэдээллээр, Д.Түмэнжаргал нь Мал эмнэлгийн ерөнхий газрын даргаар ажиллаж байхдаа албан үүрэг, бүрэн эрхийн байдлаа урвуулан ашиглаж гэмт хэргийн улмаас олсон мөнгө гэдгийг мэдсээр байж ашигласан, 2018 оны аравдугаар сарын 12-ноос 2020 оны наймдугаар сарын 31-ний өдөр хүртэлх хугацаанд гэмт хэргийг байнга тогтвортой үйлдэж мөнгө угаасан гэх. Тэгвэл хамгийн сүүлд авсан мэдээллээр түүнд холбогдох хэргийг шүүхэд шилжүүлэх саналтайгаар прокурорын байгууллагад шилжүүлжээ.

Түүнчлэн Д.Түмэнжаргалтай хамт тус газрын Мал эмнэлгийн үржлийн газрын дэд дарга, профессор З.Батсүх нарыг баривчилсан байдаг.  Гэвч дараа нь батлан даалтад гаргаж, гадуур шалгаж эхэлсэн.

АТГ-аас Д.Түмэндэмбэрэлд Эрүүгийн хуулийн 22.1-д заасан эрх мэдэл, албан тушаалаа урвуулан ашиглах, мөн 22.10-т заасан үндэслэлгүйгээр хөрөнгөжсөн гэх үндэслэлэээр яллагдагчаар татсан байна. Мөн Г компанийг үүсгэн байгуулагч З.Батсүхийг мөн Эрүүгийн хуулийн 22.1 буюу эрх мэдэл, албан тушаалаа урвуулан ашиглах, 18.6-д заасан мөнгө угаах гэсэн үндэслэлээр тус тус яллагдагчаар татжээ.

Ийн байгууллагадаад тавхан жил болж байгаа газрын дарга нар эхнээсээ хууль хяналтын байгууллагад шалгагдаж, хэд хэдэн удаа солигдож байгаа нь асуудал дагуулж байна. Засгийн газрын хэрэгжүүлэгч агентлаг гэдэг утгаараа Засгийн газраас хяналтаа чангаруулж, алдаа дутагдлыг нь олж илрүүлэх ажилд идэвхийлэхэд буруудахгүй л байх.