Дундаж давхарга нь нийгмийн эдийн засгийн хөгжилд чухал үүрэг гүйцэтгэдэг бөгөөд түүний эзлэх хувь, нийгэмд гүйцэтгэх үүрэг нь улс орны тогтвортой хөгжлийг хангахад чухал ач холбогдолтой.  Өнгөрсөн баасан гарагт УИХ-ын асуулгын цаг “Хавчигдсан дундаж давхаргаа хэрхэн аврах вэ” сэдэв дор өрнөж, Ерөнхий сайд Г.Занданшатар гишүүдийн асуултад хариулт өглөө. Хариултын онцлох хэсгээс тоймлон хүргэе.

• Хууль эрх зүйн орчны хүрээнд жишээлбэл 328 нүүрсний хулгайтай холбогдогч нарын хэрэг шийдвэрлэгдээгүй байна. Энэ хэргийг хянан шалга гэсэн байгаа.
• Авлигын индексийг бууруулахад гурван цогц бодлого хэрэгтэй юм билээ. Нэгдүгээрт, бодлогын өөрчлөлт. Дээд шатны авлигатай тэмцэж байгаагаа нотолж УИХ, Засгийн газар нь хүсэл зоригоо илэрхийлж тэмцэж байх ёстой. Энэ бодлогын өөрчлөлтийн хүрээнд бид нар төрийн өмчийн ил тод байдлыг хангуулах, төрийн оролцоог багасгах, шилэн болгох цогц бодлогын өөрчлөлтийг бодлогодоо тусгасан.
• Оюутолгой төслийг Монголын ард түмэнд ашиггүй болгож байсан өндөр зээлийн хүүг бууруулах тохиролцоонд хүрлээ. Яриа хэлэлцээний тактикийг нарийн задалж болохгүй. Энэнтэй холбоотойгоор Оюутолгойн зардлыг өндөрсгөж Монголын талд хүртэх өгөөжийг бууруулдаг менежежментийн төлбөрийг бууруулахаар зарчмын тохиролцоонд хүрээд  ажиллаж байна.
• Дундаж давхарга бол дийлэнх Монгол зон олон байх ёстой. Өмч хувьчлалаас эхлээд манай эдийн засгийн бодлогын тэнцвэр алдагдсан, эдийн засгийн бүтэц алдагдсан, үйлдвэрлэх хүчин алдагдсанаас болсон. Өөрөөр хэлбэл Монгол Улсын эдийн засаг уул уурхайгаас хэт хамааралтай, аж үйлдвэржилт багатай болсон. Дундаж давхарга бол ажилчин анги. Хамгийн гол дундаж давхарга бол эмч, багш нар. 
• 1992 онд өмч хувьчлалын дараа 480 мянган иргэн ажлын байргүй болж, 4800 үйлдвэр аж ахуй газрыг хувьчилж үндсэндээ дампуурал руу шилжиж ажилгүй болсноос эхлээд хөнгөн үйлдвэр хөдөө аж ахуйн эдийн засаг байсан бол уур уурхайн эдийн засагтай улс болж, ажлын байр шингээдэг үйлдвэрлэлийн слбар унаснаас гадаад худалдааны бодлого,  Дэлхийн худалдааны байгууллагад элссэн бодлого,  импорт, татварын бодлого, Мөнгө ,зээлийн бодлого цогц шийдлүүд үндсэндээ буруу томъёоллоор зохицуулалтгүйгээр явснаас болж дундаж давхарга багассан. Албан ёсны статистик тооцоогоор 48 хувийн дундаж давхаргатай гэж үзэж байна, 2022 оныхоор.  
• Дундаж давхарга бол эмзэг байна.  Дэлхийн банкны тооцооллоор инфляци 10.3 хувь болж 1 хувиар нэмэгдэхэд 350 мянган иргэн инфляци, зээлийн дарамтаас үүдэн ядуурал руу шилжих эрсдэлтэй байна гэсэн нь сорилт юм. Ийм учраас эдийн засгийн бүтцээ өөрчлөх 2026-2030 он хүртэлх таван жилийн үндсэн чиглэлийг өргөн барьж байгаа. Эдийн засгийн бүтцээ өөрчилж, халамжаас хөдөлмөрт шилжсэн бодлого хэрэгжүүлнэ.
• Өнгөрсөн гурван жилд багш нарын цалинг  жил бүр 10 хувиар нэмж байгаад 30 хувьд хүргэнэ гэсэн гурван талт хэлэлцээр байгуулсан юм билээ, түүнийгээ өнгөрсөн хоёр жил хэрэгжүүлээгүй юм билээ.
• Бид бусдаасаа хоёр дахин ачаалалтай ажиллаж байгаа нийслэлийн багш нарын цалинг нэмэгдүүлэх шийдэл гаргаж байгаа шийднэ. Бүтээмж гүйцэтгэлд суурилсан цалингийн реформ хийхээр төлөвлөж байна. 2026 оноос багш эмч нарын суурь цалинг 50 хувиар нэмэгдүүлнэ.