Нойр хүүхдэд яагаад чухал вэ? Хэт хөдөлгөөнтэй хүүхдийг хэрхэн “НОМХРУУЛАХ” вэ?. Энэ тухай Тархи, сэтгэл судлалын хүрээлэнгийн Сэтгэл судлалын салбарын эрхлэгч, сэтгэл зүйч Б.Биндэръяагийн зөвлөгөөг хүргэж байна.

Хүүхдийн хувьд нойр гэдэг зүйл бүх энергийг хуримтлуулж, зохицуулдаг, сэтгэл зүйн хувьд тайван байлгах, танин мэдэхүйн хөгжлийн хувьд илүү сэргэг, эрүүл хөгжлийг хангах хамгийн чухал хүчин зүйл юм. Тиймээс учраас бага насны хүүхдийг аль болох 21:00 цаг гэхэд унтуулсан байх хэрэгтэй.

Барууны орнуудад 20:00, 20:30 цаг гэхэд унтуулдаг. Харин Монголын хувьд ихэнх гэр бүл 23:00 цаг өнгөрсөн байхад ч хүүхдээ дагуулаад 24 цагийн KFC-д сууж л байдаг нь харамсалтай.

Хүүхдийн ид хөгжлийн идэвхтэй үеүд буюу бага нас, өсвөр насанд нойр маш их хэрэгтэй. 

Эрт унтсанаар хүүхэд илүү тайван болж, тархи сайн амарна.

Тархи сайн амарснаар хүүхэд маргааш нь хичээлдээ очоод анхаарал сайн төвлөрнө. Ой тогтоолт сайжирна. Ялангуяа хэт хөдөлгөөнтэй, зан төлөвийн онцлог нь илүү гадагшаа чиглэсэн /энтроверт/  хүүхдийг маш сайн амраагаад, амьдралын хэв маягийг нь илүү тогтворжуулаад, өөрт нь хэрэгцээтэй хүнсээр хангаад, стресс, дарамтгүй, эрүүл харилцаатай орчинд өсгөөд ирэхээр танин мэдэхүйн хөгжил болон нийгмийн харилцаанд бие даан авч явах чадвар нь илүү сайжирдаг.

Энэ нь судалгаагаар ч батлагдсан. Нойрны талаарх Монголд төдийгүй олон улсад хийгдсэн олон гайхалтай судалгааны үр дүнгүүд байдаг.

Хүний биеийн биологийн хэмнэлүүдийг зохицуулж байгаа зүйлүүд тархинд болдог учраас тархийг амрааж, тархинд тэжээл болж өгдөг чанартай нойрыг авах чухал байдаг.