Баянзүрх дүүргийн 14 дүгээр хорооны нутаг дэвсгэрт байрлах “Зүүн хүрээ шилтгээн”хотхонд цууралт үүссэний улмаас цонхнууд хагарсан гэдэг мэдээллийн мөрөөр бид фото сурвалжилга бэлтгэлээ. Тус орон сууцны барилга 2015 онд ашиглалтад орсон, 450 айл амьдардаг юм байна. Биднийг очиход B1 давхар буюу автомашины зогсоолын паркийн хана нэг талаасаа нөгөө хана хүртэл тэг дундуураа цуурчээ. Оршин суугчдын хэлж байгаагаар цууралт үүсээд жил гаруй болж байгаа аж. Энэ талаар зарим оршин суугчид “Цонх хагарсан бол СӨХ гэж байдаг. Тэр хүмүүс рүү мэдэгдэнэ шүү дээ. Тийм зүйл байхгүй. Харин хоёр байрны холбоо заагт цууралт явагдсан. Дотор талаасаа арматур зангилаа амархан нурж унахгүй гэж мэргэжлийн хүмүүс ярьж байхыг бид олон сонссон. Тийм учраас айхгүй байгаа. Өнөө маргаашдаа нурчихгүй байх. Оршин суугчид ямар нэг ноцто асуудал үүсвэл Онцгой комисс, Оршин суугчдын төлөөлөл, Удирдах зөвлөл, Хяналтын зөвлөлдөө мэдэгдэнэ” гэж байв. Харин бодит байдлын хувьд байрны доод талд байрлах автомашины зогсоолын паркийн хана цууралт өгсөн байлаа. Энэ цууралт нь 3, 4 жилийн өмнөөс үүссэн гэх мэдээллийг тус байрны оршин суугчид өгсөн юм. Суулт өгсөн нь байрыг намагтай байршилд барьснаас үүдэлтэй ажээ.