Хуур хөгжмийн наадам (XMF) нь олон улсын хөгжмийн наадмын стандартыг Монголдоо нэвтрүүлэх, нийгэм рүүгээ эерэг мессежээр зөв зүйлд уриалах, Төв Ази бүс нутгийн жуулчдыг Монгол улс руугаа татах дэлхийд хүлээн зөвшөөрөгдсөн хөгжмийн наадам болох зорилготойгоор 2017 оноос хойш амжилттай зохион байгуулагдаж байна.

Өнгөрсөн хоёр жилийн хугацаанд Ковид-19 цар тахлын улмаас энэхүү хөгжмийн наадмыг зохион байгуулж чадаагүй хэдий ч энэ жил шинэ концептыг бий болгон ажиллаж байгаа юм. Тодруулбал Энэ жилийн хөгжмийн наадам нь “XMF Reborn” концептын хүрээнд зохион байгуулагдахаар болжээ.

Монголдоо анх удаа, дэлхийн хөгжмийн урлагийн салбартаа танигдсан дэлхийн хэмжээний одыг 2022 оны 8-р сарын 19-нд Төв цэнгэлдэх хүрээлэнд болох XMF-н тайзнаа танилцуулах гэж байна.

XMF Reborn хөгжмийн наадмын ерөнхий зохион байгуулагчаар Circle Park групп ажиллаж байгаа бөгөөд хамтран зохион байгуулагчаар BRB agency агентлаг зохион байгуулж байна. Энэ жил наадмын зохион байгуулагчдын зүгээс анх удаа Монгол улсдаа дэлхийн хэмжээний од авчирч байгаагаас гадна наадмын зохион байгуулалт, орц гарц, хог хаягдал, үзэгчдийн бие засах өндөр хүчин чадал бүхий шийдэл, experience zone, тайз засал зэрэг наадмыг чанарын өндөр түвшинд хийхээр төлөвлөжээ.

XMF Reborn хөгжмийн наадам нь 2022 оны 8-р сарын 19-ний өдөр Төв Цэнгэлдэх Хүрээлэнд өглөө 10:00 цагаас зохион байгуулагдах бөгөөд тасалбарыг www.boxoffice.mn тасалбар захиалгын цоо шинэ цогц онлайн платформоор дамжуулан 2022 оны 7-р сарын 8-ны өдрөөс эхлэн урьдчилсан тасалбар буюу Early Monkey Ticket 69,000₮ үнэтэй 2022.08.01ны өдөр хүртэл борлуулагдаж 2022.08.01 ний өдрөөс 2022.08.19ны өдөр хүртэл GA Ticket буюу энгийн тасалбар 109,000₮ төгрөгийн үнэтэй борлуулагдана.

Наадмын үзэгчдийн нэвтрэх насны доод хязгаар одоогоор 16 нас байхаар тогтоод байгаа юм байна.