Арилжааны банкууд ипотекийн зээлийг олгохгүй хязгаарласан гэх мэдээллийг зарим эх сурвалж өгч буй. 

Тэгвэл энэ талаар Шадар сайд С.Амарсайхан "Цаашид Монголын ипотекийн корпорацийн тогтолцоог ил тод, нээлттэй зөв тогтолцоонд оруулах, хүүг 8-аас 6 хувьд хүргэх, уртдчилгаа төлбөрийг багасгах,  талаарх саналуудыг бэлтгэсэн ойрын хугацаанд Засгийн газрын хуралдаанаар оруулна. Яамдуудаас саналуудаа авахаар хүргүүлсэн. Арилжааны банкууд ипотекийн зээлийг зогсоох ёсгүй. Учир нь Монголбанк, Санхүүгийн зохицуулах хорооноос бидэнд  өгсөн мэдээллээр санхүүжилт хэвийн үргэлжилж байна гэсэн. Харин санхүүжилтийн хувь хэмжээ нь банкуудаас өөрсдөөс нь хамаарна. Засгийн газраас өнгөрсөн оны дөрөвдүгээр сард  ипотекийн зээлд хоёр их наядын санхүүжилтийг заруулсан. Оны эхний улиралд гүйцэтгэл 60 хувьтай байсан. Сар бүр Монголбанкнаас 30 тэрбумын санхүүжилтыг арилжааны банкуудад олгож байна. Орон сууцны үнэ болон эрэлт хэрэгцээнээс шалтгаалаад зээл олголт удааширсан байхыг үгүйсгэхгүй" гэх мэдээллийг өглөө.

Харин Монгол банкны зүгээс ипотекийн зээлд тавигдах шаардлага, шалгуурт өөрчлөлт ороогүй буюу “Орон сууцны ипотекийн санхүүжилтийн журам” болон “Ипотекийн зээлийн үйл ажиллагааны журам”-ын дагуу хэвийн хэрэгжиж байна гэжээ.