Энэ зургаадугаар сарын 01-нийн өдрөөс эхлэн /2022.06.01/ БНСУ-ын Засгийн газар Жэжү, Яньяны олон улсын нисэх буудлаар Монгол, Вьетнам, Филиппин, Индонезийн иргэдийг 30 хүртэл хоногийн хугацаанд визгүй зорчих эрх олгохоор болсон билээ.

Энэ хүрээнд зургаадугаар сарын 22-ны өдөр дөрвөн шөнө таван өдрийн аяллаар БНСУ-ын Жэжү арал руу явсан 126 Монгол иргэний 23 нь ор сураггүй алга болсон гэх мэдээлэл цацагдаад байгаа юм.

Тэгвэл албаны эх сурвалжийн мэдээллээр, сураггүй болсон гэх иргэдээс хоёр иргэн  коронавирусийн халдвар авч тусгаарлагдсан байдалтай, дахин хоёр нь Сингапур руу дамжин явахаар тасалбараа захиалсан, бас нэг иргэн аяллын үеэр паспортоо гээсэн бөгөөд шинэ паспорт захиалаад буцахаа хүлээж байгаа зэрэг хүндэтгэх шалтгаантай таван иргэн байжээ.

Харин 18 иргэн холбоо тасарсан. Гэхдээ тэдгээр иргэдийг одоогоор визний зөрчилтэй гэж үзэх боломжгүй. Учир нь долдугаар сарын 21-нд визгүй зорчих хугацаа нь дуусах аж.

Гэхдээ хамгийн сүүлийн мэдээллээр, дээрх 18 иргэний нэг нь болох А Жэжү усан боомтоос Мугпу руу зорчих гэж явж байхдаа биеийн байцаалтгүйгээс болж,  өөрт нь тусалж байсан монгол иргэний хамт газар дээрээ баригджээ. "Аялахаар биш өөр зорилготой ирсэн болох нь тодорхой болсон. БНСУ-д байдаг хүнд ажил захиж байсан" гэхчлэн БНСУ-ын хэвлэлүүдэд гарчээ.

Тэднийг БНСУ-ын хилээр албадан гарах тушаал гараад байна. 

Түүнчлэн, Тайланлын 178 хүн аяллын болон эмчилгээний визээр очоод дөрөв нь ор сураггүй болоод, "хууль бусаар оршин суух" гэж байгаад баригджээ. Энэ мэт асуудлуудаас болж визний асуудал эргэн чангарах төлөвтэй байгаа аж. 

Эх сурвалж: