Амьдрал олон өнгөтэй. Мэдээж салж сарнисан. Сэтгэл санаа нийлэхгүй гээд эцэг эх хоёр тийшээ болдог. Үүний золиос нь хүүхэд гэдгийг нийгмээрээ мэдэж байгаа. Гэхдээ хүүхэд гэж хэн бэ. Дийлэнх салсан гэр бүлийн хувьд ээжүүд  хүүхдүүдээ дагуулдаг. Харин дараагийн аав хэн бэ гэхээсээ илүүтэйгээр ээжийн хандлага ямар вэ гэдэг илүү үр хүүхдэд нөлөөлдөг. Өмөөрлийн сэдэлтэй өөрийн гэж өмчирхсөн хандлагаас болоод хүүхдийн бодол сэтгэл өөр болж хувирдаг. Хойд эцэг болгон муу байдаг гэдгийг би хүлээн зөвшөөрдөггүй.  Гэхдээ би хойд эцгийг өмөөрөх гэсэнгүй. Мөн гэр бүл салалтын талаар ямар нэгэн тоо баримт хөөхийг ч хүссэнгүй. Зүгээр л өнөөгийн нийгэмд дагавар хүүхдийн байр байдал, өнгө төрх, ааш авир ямар байна вэ гэдгийг л харах гэж хичээлээ.

 “Манай хойд эцэг” гэдэг үг маш их хэрэгллэгддэг орчин бол яах арга үгүй гэр бүл салалттай холбоотой. За мэдээж хойд эхийг зарим нь бүр “шулам”-тай зүйрлэдэг.

Гэхдээ л эх хүнд ямар нэгэн өр зөөлөн бодол явдаг гэдэгт би итгэдэг. Харамсалтай нь тийм биш ээжүүд ч байна. Ханилсан ханийхаа хүүхдийг нэг нүдээрээ үзэхгүй. Үүнээс болоод аав нь орхиж ирсэн хүүхдэдээ ганц гутал худалдаж аваад өгчих эрх мэдэлгүй хүний царай харж суугаа ч амьдрал байна. Нөгөө талаараа хойд эцэг дагавар хүүхдэдээ ямар нэгэн сурган хүмүүжүүлэх талын үг хэлвэл, гэр цэвэрлэх, хичээл ном хийхийг нь шаардах юм бол “хатуурхсан болж хувираад байна. Ээжийн хамгаалтад орсон дагавар хүүхэд хэн болж өсөх вэ. Энэ талаар бодоход нэг талаараа аймаар санагдана. Тухайн хүүхэд юу ч хийхгүй. Мөнгө авах үүрэгтэй. Утасных нь дата дуусаж болохгүй. Гэрийн хоолыг голно. Ялангуяа шөлтэй хоолонд хоншоороо ч хүргэхгүй. Хойд эцгийн үгийг нэг чихээрээ оруулаад нөгөө чихээрээ гаргана. Ёстой л нөгөө “түй май” гэж амьдарч байна.

Үнэндээ хүүхэд нь юм хүлээж авах чадваргүй. Ээж нь ийм хэмжээнд өмөөрч хамгаалж байгаа болохоор өнөөх хойд эцэг юу хийх вэ. Зүгээр л хэдэн төгрөг өгчихөөд хөндлөнгийн хүний өнгө төрхөөр л амьдрна. Бас болоогүй ээж нь худлаа үг зааж өгнө. Шууд утгаар нь хэлэх юм бол эрүүгийн элементэд бэлднэ гэсэн үг.  Хүүхэдтэйгээ нийлж шүүх байгууллагыг хүртэл хуурч цагдаа дуудаж хойд эцгийг бариулна. Олж ирсэн мөнгийг нь сохор зоос ч үлдээхгүй авч үлдчихээд шөнөөр хувцасыг нь торонд чихэж хөөж тууна. Энэ мэт өнгө төрх бидний дунд байсаар л байна.  Хөөрхий хойд эцэг хэдэн төгрөг олж очсон үедээ хагас нойртой хононо. Бусад үед үргэлж өөлүүлж доромжлуулж хараалгасан хэрүүл дунд байна.

 Мэдээж ээж нь хэрүүл хийж орилж хашхираад байхад хүүхэд нь зөв ч буруу ч эхийнхээ л талд зогсоно. Иймд амьдрал эцэстээ яах вэ. Мэдээж олхиогүй эр вэ хаяад яваач гэх байх. Эр хүнд үүрэх зовлон их ч бас ч гэж үнэнч сэтгэл мөн чанар гэж байдаг. Иймээс л шүд зууж бусдыгаа ойлгочих байх ухаан суучих байх гэж тэсэж байгаа. Харамсалтай нь үүний ард дагавар хүүхдээ буруу сумлаж, өсгөдөг ээж биш хойд эцэг л буруутан болж харагдаад байгаа нь хамгийн том эмгэнэл юм. Хүнд бурууг тохох амархан. Харин хүн хүнээ зүгээр л хайрлах хэцүү юм шиг санагдсаныг нуух юун.