Өнгөрсөн онд Дэлхий дээр соронзон шуурга болсон өдрүүдийн тоо сүүлийн 10 жилийн хамгийн дээд үзүүлэлтэд, геосоронзон орон тогтворгүй болсон өдрүүдийн нийт тоо сүүлийн 20 жилийн  дээд үзүүлэлтэд тус тус хүрсэн байна. Энэ тухай Оросын ШУА-ийн Сансрын судалгааны хүрээлэнгийн нарны астрономийн лаборатори мэдээлжээ.

Он гарснаас хойш соронзон шуурга 69 удаа ажиглагдсан нь 2024 оны 44 удаатай харьцуулахад их байна. Kp индекс 4 ба түүнээс дээш түвшинд (шар ба улаан) хүрсэн геосоронзон орны тогтворгүй өдрүүдийн тоо эрс нэмэгджээ.

Ийм өдрүүд 164 удаа бүртгэгдсэн нь 2024 оныхоос /94 өдөр/ 75 хувиар олон байна.

Соронзон шуургатай өдрийн тоо хамгийн сүүлд 2015 онд (79 удаа) ба 2016 онд (69 удаа) ийм өндөр хэмжээнд бүртгэгдэж байжээ. "Гэсэн хэдий ч 2016 оны үзүүлэлтийг жилийн үлдсэн долоо хоногт давах магадлалтай. Учир нь том титэм нүх Дэлхийд нөлөөлсөөр байгаа бөгөөд соронзон шуурга өнөөдрөөс эхэлж магадгүй" гэж мэдээлэлд дурдсан байна.

Мэргэжилтнүүдийн хэлснээр, шуурганы тоо өсөхөд нөлөөлсөн гол хүчин зүйл нь Наран дээрх "асар олон титэм нүх" болжээ. Титэм нүхний тоо цөөрөх эсвэл хэмжээ нь багасах шинж тэмдэг одоогоор ажиглагдаагүй тул 2026 оны эхний саруудад ч соронзон шуурганы тоо нэмэгдэх төлөвтэй байна.