“Эрдэнэс Монгол” компанийн Гүйцэтгэх захирал С.Наранцогтыг Монголбанкны Ерөнхийлөгчөөр дэвшүүлэн томилж байгааг МАН-ын бүлгийн хуралдаанаар хэлэлцсэн. Өнөөдөр ээлжит бус чуулган зарлаж, нэр бүхий сайд нарын танилцуулгыг хийх юм дуулдсан. Тэдэнтэй зэрэгцээд мань эрийн асудлыг оруулж ирэх нь тодорхой.

Уул уурхайн 31 компанийг нэгтгэсэн “Эрдэнэс Монгол” компанийн захирал тэрбээр энэ удаа улсын маань мөнгөний авдрыг эзэгнэн суух нь нэгэнт тодорхой болчихлоо. Эл томилгооны сургаар ард түмний баялаг болох уул уурхайн мөнгийг менежментийн компани нэрээр дээрэмдэж, ард түмэнд бус ихэс дээдэст тал засахад зориулж ажилласан С.Наранцогтод Монголбанкыг өгчихөөд эдийн засаг эрүүлжинэ гэж найдах нь эргүү гэхэд хэтийдсэн хэрэг болно гэх шүүмж ч гараад эхэлчихлээ.

Монголбанк бол Монгол Улсын мөнгөний бодлогыг барьж байдаг газар. Энд улсын бүх сан хөмрөг бий. Энэ айлын ямар байхаас шалтгаалж, улс орны эдийн засаг, ард түмний амьдралын асуудал шийдэгддэг. Гэвч энэ удаагийн томилгооны сургаар инфляцийн өсөлт тэнгэрт гарч, бага жаахнаар хулгана хөеөгөө хураах мэт цуглуулж буй валютын нөөц дундарна. Яана вэ гэх халаглал хаа сайгүй нисэж эхэллээ. Зүгээр үү тэгээд?

Халаа сэлгээ хийх хачин өндөр сонирхолтой улстөрчдийн шунал хэрээс хэтийдэж, иргэд эдийн засагт нар гарахгүй нь гэж халаглаж байхад, манай улстөрчид мань нь С.Наранцогтын оронд “Эрдэнэс Монгол”-ын захирлаар оччих юмсан гэж лоббидож явна. Яана вэ зүгээр үү?