УИХ-ын гишүүн асан Ж.Батзандангийн твиттер ажиллагаа дуусч жил гаруйн дараа гэнэт олны өмнө мэдээлэл хийгээд гараад ирэв. Твиттер ажиллагаа гэдэг нь тэрбээр Австралид “чухал” алба хашиж байсан учир зайнаас Монголчуудтайгаа мэнд мэдэлцэж байсан гэсэн үг.

Ж.Батзандангийн өнөөдрийн хийсэн мэдээллээр бол ямарч байсан Монгол Улс нэг өрнөөсөө салсан юм байх. Тодруулбал,  Рио Тинто компанийн Дубайн гэрээтэй холбоотой үүссэн маргаан шийдвэрлэгдэж, Монгол Улс 2.3 тэрбум ам.долларын өрнөөс чөлөөлөгдсөн нь Ж.Батзандан болоод түүний нөхдийн гавьяа санж.

Мөн монгол залуус Австралид ажиллангаа амрах визийн асуудал шийдэгдсэн гэдэг мэдээллийг өгөөтөхлөө. Түүний хэлж байгаа үнэн бол  Монгол Улсаас Австрали улсад суугаа Элчин сайдын яаманд судалгаа, парламентын асуудал хариуцсан зөвлөхөөр ажиллах жил гаруйн хугацаандаа их л зүйл амжуулж.

Түүнлчэн, “КОВИД-ийн хүндрэлтэй хөл хорионы үеэр Австрали Улсад ажилладаг амьдардаг олон мянган иргэддээ туслах зорилгоор нислэг зохион байгуулж олон мянган иргэнээ эх оронд нь авчирсан” гэв.

Бас ном бичсэн.   “Эх орноо аврах 18 хувьсгал буюу шинэ хувьсгал” гэдэг нэртэй ном.

Энэ бүх мэдээллээс хамгийн бэст нь “МАНАН дэглэмийн эсрэг тэмцлээ үргэлжүүлнэ, хөгжлийн шинэ бодлого хэрэгжүүлэхээр Ж.Батзандан Монголдоо эргэн ирлээ” гэдэг хэсэг.

Эцэст нь тэр ажлаас чөлөөлөгдөх өргөдлөө өгч байгаагаа ийн олон нийтийн өмнө зарлалаа.