ТББХ-ны хуралдаанаар Ерөнхий сайдыг огцруулах асуудлыг хэлэлцдээ. Гишүүд Г.Занданшатараас асуулт асууж, хариулт аван байр сууриа илэрхийлэн үг хэлсээр 18 цаг болсон. Тиймээс  ТББХ-ны дарга Ц.Сандаг-Очир "Ажлын цаг дууссан байна. УИХ-ын чуулганы хуралдааны дэгийн тухай хуулийн 13 дугаар зүйлийн хуралдаан даргалагчийн эрх үүргийг заасан байдаг. Энэ дагуу ТББХ-ны хуралдааныг ирэх даваа гарагийн 11.00 цаг хүртэл хойшлуулж шийдвэрлэлээ хэмээсэн юм.

Хуралдааны үеэр гишүүдийн хэлсэн үг байр сууриас тоймлон хүргэе.

Л.ОЮУН-ЭРДЭНЭ:  "АМНАТ-тай холбоотой асуудлыг дандаа Ж.Оджаргал ЛОББИДДОГ байсан. Б.Жавхлан сайд ноён нуруугаа хугалчихгүйхэн шиг над дээр орж ирээд "Ийм дарамтад ороод байна. Байнга уулзаад байна" гэдэг байсан. Улсаасаа том компанитай болсон бол улсынхаа нэрийг MCS гэж өөрчилье. Тэгээд ч Бодь”-той холбоотой асуудлыг ярих цаг болсон. Г.Занданшатар дарга өөрийнхөө хийсэн ажилд хариулах цаг ч болсон. “Бодь”-ийн оффтейк гэрээ явж байхад Г.Занданшатар ЗГХЭГ-ын дарга байсан. Би ажлыг нь авч байсан.

Ж.БАТ-ЭРДЭНЭ: Сошиал чинь тэр чигээрээ Оффтейк гэрээ болчихлоо. Оффтейк гэрээтэй холбоотой НҮҮРСНИЙ СОНСГОЛ хийе. 

А.АРИУНЗАЯА: Намын зовлонгоо төрийн болгодог нь буруу байхгүй юу Ерөнхий сайдаа. Б.Энхбаярыг ХЗДХ-ийн сайдаар томилж байна гэдэг мэдэгдэл чинь ҮХ-ийг зөрчихүйц мэдэгдэл байсан.

Г.ЗАНДАНШАТАР: Үндсэн хууль зөрчсөн эсэхийг та тодорхойлдог хүн биш. Та харин намын зовлонг төрийн зовлон болгоод 115 хоногийн өмнө байгуулагдсан Засгийн газрыг огцруулахаар одоо хэлэлцүүлж байна. Би оффтейк гэрээ байгуулах нь бүү хэл барьж, уншиж ч үзээгүй. Сая л ил тод болохоор нь Д.АМАРБАЯСГАЛАН: ҮАБЗ-ийн зөвлөмжөөр гэрээ хийх эрхийг нь олгосон олон их наяд төгрөгийн нүүрсний гэрээтэй холбоотой асуудлууд яригдаж байгаад талархаж байна. 2022 оны нүүрсний сонсгол яг ингэж эхэлж байсан. Харамсалтай нь оффтейк гэрээнүүдийг бүгдийг нь нуугаад өнгөн дээр нь өөр хүмүүсийг нүүрсний хулгайч гэж зарлаж нийгэмд гүжирдэж гүтгэсэн. Тэрний хамгийн том хохирогч нь миний бие.

Нэг хүрз нүүрс олборлоогүй байхад нүүрсний хулгай хийсэн мэтээр олон нийтэд ойлгуулсан. Өнөөдөр харин оффтейк гэрээнүүд яаж хийгдэж, хэн хариуцаж байсан бэ гэдэг нь цаг хугацаатайгаа гарч ирж байгаад баяртай байна. Оффтейк гэрээнүүд бүгд 2021.06.23-ны өдрөөс өмнө хийгдсэн. Би ЗГХЭГ-ын даргаар 2022 оны есдүгээр сараас эхэлж ажилласан. Тэр үеэс эмх замбараагүй байсан гэрээнүүдийг цэгцлэх, Биржийн тухай хуулийг хэрэгжүүлэх чиглэлээр Ч.Хүрэлбаатар сайд, Ж.Ганбаатар сайд нарын хамтаар ажиллаж байсан.

Олон хүний эрх ашиг хөндөгдсөний улмаас өөрийг маань нүүрсчин болгож зарлах ажил хийгдсэн гэдгийг хариуцлагатайгаар хэлье.