104 жилийн түүхтэй МАН-ынхны зөнөглөл, зодоон ширүүсч улс төрд гал дүрэлзсэн өдрүүд үргэлжилж байна. УИХ-ын гишүүн П.Сайнзориг Ерөнхий сайд Г.Занданшатарыг огцруулахаар гарын үсэг цуглуулж 40 гаруй гишүүн нэгдсэн болохыг өчигдөр мэдээлсэн. Угтаа пүрэв гарагийн Улсын Их хурлын чуулганд өргөн барьснаар баасан гарагт одоогийн Засгийн газрыг өвдөг шороодуулахаар төлөвлөжээ. Тэгвэл нөгөө талд MCS-ийнх гэгдэх тодотголтой УИХ-ын гишүүн, шарк Энхтүвшин УИХ-ын дарга Амарбаясгаланг огцруулах бичигт гарын үсэг цуглуулж, түүнийг Ноорог-ийн О.Уламсайхан талбай дээрх жагсаалаар хүч түрж, АН-аас Жудагийн Баярмаа гишүүн галын дэмжлэг үзүүлэхээр тохиролцсон тухай шуугиад эхлэв.

Цахим мөрийтэй тоглоомтой холбоотой асар их мөнгөний дуулиан тарьж анх олонд танигдсан О.Уламсайхан өөрт нь итгэсэн цагаан цаас шиг иргэдийн итгэлээр жигүүрлэн мэргэжлийн жагсагч болж, улс эх орныхоо төлөө гэх уриа лозонгоор чамирхсан ч өдгөөг хүртэл иргэдийн, эх орны талд үйлчилсэн үр дүн харагдсангүй.

Яг л сонгуулийн тухай солиотой кино хийсэн, найз охиныхоо амийг хөнөөсөн гэх мэт дуулиан шуугиан руугаа нэгэн адил жагсаалын үр дүн нь ч нүдэнд харагдаж, сэтгэлд мэдрэгдсэнгүй. Гэтэл Засгийн газрын 55 дугаар тогтоол хэмээх Эм Си Эс-ийн 200 гаруй тэрбум төгрөгийн ашгийн төлөө дахин талбай дээр гарч ирэхээр бэлдэж эхэлжээ. Харин ЭМ СИ ЭС –ийн тухайд бол дата мэдээллийн мөрийг дагаж мөшгивөл 90 хувь нь Хятад улсын иргэнд хамааралтай байдаг. Ингээд харахаар өнөөдөр Монгол Улсыг элгээр нь хэвтүүлэх улс төрийн ууган намын хагаралд өмнөд хөршийн далд бодлого үйлчилж байна уу гэж хардахад хүргэж байгаа юм.

Facebook