МАН-ын даргыг сонгох бага хурлын гишүүдийн хурлаар  Ерөнхйлөгчийн хэвлэлийн албаны дарга Ө.Золбаяр сэтгүүлчдийн сонихосн асуултад доорх хариул, тайлбарыг өглөө.

"Намын даргад нэр дэвшиж буй хоёр гишүүний аль нэгийг нь онцолж хэлж чадахгүй нь. Намын дүрмээ мөрдөж, дотоод эв нэгдлээ хангах хүн намын дарга болох хэрэгтэй. Хууль, шүүхийн байгууллагад улс төрчид нөлөөлөх явдлыг зогсоох ёстой.  Өнөөдөр өвлийг дулаахан давах, цалин орлого нэмэгдэж, иргэдийн амьжиргаа дээшлэх чухал болохоос намын дотоод асуудал тийм ч сонин биш. Өнгөрсөн зургаадугаар сард МАН-ын бага хурлын гишүүдийн гуравны хоёрын саналаар Г.Занданшатарыг Ерөнхий сайдаар томилсон.  Энэ бол де-факто шийдвэр гарсан гэсэн үг. МАН аливаа асуудалд төвийг сахиж шийдвэр гаргасаар ирсэн энэ удаад ч мөн адил тийм шийдвэр гарна бодож байна. 

Ерөнхийлөгчийн засаглалтай болгож, дарангуйлал тогтоох гэсэн санаархал байхгүй. Ерөнхийлөгч  хоёргүй утгаар чуулганаар байр сууриа илэрхийлсэн" гэлээ. 

Мөн тэрбээр хоёр нэр дэвшигч хоёулаа Төрийн өндөр албан тушаалтан, хоёулаа Үндэсний аюулгүй байдлын зөвлөлийн гишүүд. Хэн нэгнийгээ харлуулсан контент хийж цацаж байгаа нь маш буруу үйлдэл гэж харж байна гэж байр сууриа илэрхийлсэн юм.