УИХ-ын гишүүн “Босоо” С.Ганбаатарын бүрэн эрхийг түдгэлзүүлж, эгүүлэн татах нь тодорхой болжээ. Энгийнчилбэл мань хүн эргүүлэн татагдах болзлоо 100 хувь биелүүлсэн байна. Ийн дүгнэхийн учир мань эрийг Эрүүгийн хуулийн гурван зүйл заалтаар буруутган шалгаж байна. Тодруулбал,

• Эрүүгийн хуулийн 22.4 ба Нийтийн албан тушаалтан хахууль авах
• Эрүүгийн хуулийн 18.6.2 - Мөнгө угаах
• Хуулиас хасагдсан 263.2 буюу шинэ хуулинд зааснаар үндэслэлгүй хөрөнгөжсөн зэргээр шалгах ажиллагаа явуулж прокурорын байгууллагаас яллагдагчаар татаад байгаа юм.
• Эрүүгийн хуулийн 22.1-т заасан “Эрх мэдэл, албан тушаалын байдлаа урвуулан ашигласан” буюу өөрийн гэр бүлийн хамаарал бүхий хүмүүст давуу байдал бий болгосон,

Хуулийн хугацаанд яллагдагчаар татсан бичигтэйгээ өөрийн биеэр ирж танилцаж, гарын үсэг зурах үүрэгтэйг нь сануулж, зарлан дуудах өгсөн болов ч тэрбээр огт очоогүй гэх бөгөөд хувийн цахим хаягаар нь явуулсан ч хариу өгөөгүй. Мөн гэрийн хаягаар нь илгээсэн ч ар гэрийнхэн нь хүлээж аваагүй учраас Төрийн ордон дотор өөрт нь гардуулж өгөх ажиллагааг АТГ-ын зүгээс явуулсан гэх. Ямартай ч УИХ-ын гишүүн С. Ганбаатарыг бүрэн эрхээс нь түдгэлзүүлж, эргүүлэн татах нь тодорхой боллоо. Тун удахгүй УИХ-ын Ёс зүй, дэгийн байнгын хорооны дарга Б.Баярбаатар хурлын товоо зарлахыг л хүлээх үлдэх шив.