“Сошиалаар ажлаа явуулдаг, попордог” гэх  шүүмжлүүлэлийг хамгийн их хүртдэг хүн бол БОАЖ-ын сайд Б.Бат-Эрдэнэ.  Яалт ч үгүй хэт цахимжсан сайд л даа. Үнэхээр идэвхтэй, гэдэг нь оруулж байгаа пост, хариулж байгаа хариултаас нь илт харагдана.

Хамгийн сүүлд тэрбээр “Би хууль зөрчихгүй. Хүний эрх болон хувийн өмчид хууль бусаар халдахгүй” гэж ирээд л Хотын захиргааруу дайралт хийсэн. Энэ үеэр иргэд, олон нийт түүнээс нээлттэй асуулт асууж, тэр ч уйгагүй хариулт хэлжээ. Сонирхолтой байж мэдэх юм гэдэг үүднээс сайд Б.Бат-Эрдэнээс иргэдийн асуусан асуулт хийгээд түүний хариултыг YELLOW NEWS-ээрээ хүргэж байна.

Иргэн: Та тэр Хүүшийн аманд баригдаад байгаа барилгаас өөрөө хувь хүртсэн юмуу. Яагаад тэр талаар дуугардаггүй юм бэ. Нүдэн дээр богд уулыг чинь ухаад дууслаа.

Сайд: БОАЖЯ аялал жуулчлал эрхлэх чиглэлээр зөвшөөрөл олгодог. Нийслэлээс өөрчилж өндөр орон сууц бариулдаг. Хүүшийн аманд зөвшөөрөл авчихсан байсан аж ахуйн нэгж нь хашаа татжээ. Одоогоор барилга бариагүй. Хаана нь баригдаж байгааг мэдээлж болно.

Барилга эхлээгүй байна. Хашаа барьсан нь хуулийн зөрчил биш. Нийслэлээс өндөр барилга барих зөвшөөрөл өгчихөөгүй бол аялал жуулчлал буюу БОАЖЯ-нд өгсөн хүсэлтээрээ явах ёстой.

Иргэн: Байгаль орчны сайд нь Эрдэнэтэд жаахан байдаг ногоон газар аль хэдийнээ барилга өөрөө барьчихсан.

Сайд: Би барилга барьдаггүй

Иргэн: Богд уулын дархан цаазат газрыг аялал жуулчлалын бүс байгуулах нэрийн дор өгдөгөө болино уу.

Сайд: Хуулийн өөрчлөлт хийх хэрэгтэй. ТХГНТ хууль өөрчлөлт явж байгаа. Гэвч зөрчдөг нь нийслэл.

Иргэн: Шавар балгас үлдээе гэж чичрээд байгаа билүү өөрөө

Сайд: Энд үлдэх эсэх тухай биш хууль байгаа эсэх тухай бичжээ

Иргэн: Сошиалаар өөр өөрийгөө өмөөрч хэрэлдэж байхаар өмнөх хар түмэн ажлаа хурдацтайхан шиг зохион байгуулаад хийгээд өгөөч.

Сайд: Бид ажиллаж байна. Бөөгнөрсөн ажил байхгүй

Иргэн: Сайд аа, ний нуугүй хэлэхэд тэр хэдэн шавар гэрүүд хогийн цэг, жорлонгийн нүх шахуу болчихсон байсан шүү. Хааяа ТӨР ингэж цэвэрлэгээ хийх нь зүгээр шүү. Ер нь Богд хаан уулын Экосистемийг Байгаль орчны бүх сайдууд умартсан ш дээ. Энэ уул чинь бараг Дэлхийн хамгийн анхны дархан цаазат уул ш дээ.

Сайд: Аливаа үйлдлийг хуулийн дагуу хийх хэрэгтэй. Хууль бус байсан бол шүүхээр нь шийдүүлж шийдвэр гаргуулах хуультай.