2024 оны УИХ-ын сонгуульд МАН-аас 12-р тойрогт нэр дэвшиж ялалт байгуулсан Ж.Алдарсайхан ХУД-ын Засаг даргын суудалд найман жил тасралтгүй ажилласан. Өдгөө нийслэлийн хамгийн их түгжрэлтэй, дэд бүтцийн зохион байгуулалтгүй дүүрэг болох үндэс суурийг тавьсан хүн гэхэд хилсдэхгүй.

Одоогийн шинэ "Хотын захиргаа", Арцат өргөө, Arvai Villa Luxury гэх монголдоо үнэтэйд тооцогдох хотхонууд хотхонууд баригдсан байршил аравхан жилийн өмнө барилга барих хориотой, дархан цаазтай гэгддэг байсан. Харин Ж.Алдаржавхлан эрхэм эзэн сууснаас хойш нэг талдаа л дор хаяж 3-4 цаг зарцуулагдах энэ их түгжрэлийн үндэс суурийг тавьсан талаар тус дүүргийн оршин суугчид дуу нэгтэй шүүмжилдэг.

ХУД нийслэлийн 9 дүүргээс "Эко Хан-Уул" гэх сүржин уриалгаараа ялгарах гэдэг ч ганц тэр хаалга нь гэхэд л будаг, цемент нь ховхорсон хог болсон нь Ж.Алдаржавхлан гишүүн Засаг дарга байхаасаа л хийсэн ажил нь нүдээ олдоггүй байсныг нотолж байгаа юм. 

Хариуцсан ганц дүүргээ 8 жилийн дотор өдөр бүр "0" зогсолт болдог бетонон ширэнгэ болгосон Ж.Алдаржавхлан гишүүн болсон хойноо нийслэлийн дэд бүтцийн талаар идэвхтэй шүүмжилж байгааг харахад ч нүд халтирам. 

Эрхэм гишүүн өнөөдрийн УИХ-ын чуулганы үеэр "Яармаг, Нисэхийн дэнжээр дүүрэн хотхон, хороолол сургуульгүй баригдаж байна" хэмээн попорч байх юм. Гишүүнээ попрохоосоо өмнө өөрийн хийсэн ажлаа эхлээд нэг харчих л даа.