МАН-ын Удирдах зөвлөл нийт 32 гишүүнтэй. Удирдах зөвлөлийн хуралдааныг бямба гарагт зарласан юм. Уг хурлаар Бага хурлыг хэзээ зарлан хуралдуулахаа шийдвэрлэнэ. Мөн намын даргад хэнийг нэр дэвшүүлэхээ шийдэх бөгөөд нэр дэвшигчийг Бага хурлаар хэлэлцүүлж, Их хурлаараа батламжлах учиртай.

МАН-ын Удирдах зөвлөлийн бүрэлдэхүүнд МАН-ын Ерөнхий нарийн бичгийн дарга Я.Содбаатар, МАН-ын нарийн бичгийн дарга Н.Энхбаатар, нарийн бичгийн дарга Ц.Чулуунзагд, нарийн бичгийн дарга Д.Сумъяабазар, нарийн бичгийн дарга Х.Алтай, УИХ-ын дарга Д.Амарбаясгалан, Шадар сайд С.Амарсайхан, УИХ-ын гишүүн А.Ариунзаяа, Т.Аубакир, Ж.Батжаргал, О.Батнайрамдал,  Нийслэлийн намын орон тооны бус дэд дарга П.Баттөр, УИХ-ын гишүүн Э.Батшугар, УИХ-ын дэд дарга Х.Булгантуяа, "Эрчист Монгол" ХХК-ийн Төсөл хөтөлбөр хариуцсан бүтээмжийн менежер Э.Буяннэмэх, Батлан хамгаалахын сайд С.Бямбацогт, УИХ-ын гишүүн Ж.Ганбаатар, Ц.Даваасүрэн, Ерөнхийлөгчийн Тамгын газрын дарга Г.Занданшатар, УИХ дахь МАН-ын бүлгийн дарга Л.Мөнхбаатар, УИХ-ын гишүүн асан Ж.Мөнхбат, УИХ-ын даргын ахлах зөвлөх Ц.Мөнх-Оргил, Соёл спорт аялал жуулчлалын сайд Ч.Номин, Улаанбаатар хотын захирагч Х.Нямбаатар, Хууль зүй дотоод хэргийн сайд асан Ц.Нямдорж, Монголын өмгөөлөгчдийн холбооны гишүүн өмгөөлөгч Б.Оюунбилэг, "Эрдэнэт критикал минералс" ТӨҮГ-ын Бүтээмж хариуцсан менежер М.Оюунчимэг, "Эрдэнэс критикал минералс" ТӨҮГ-ын захирал Д.Тогтохсүрэн, Монгол Улсын сайд, Боомтын сэргэлтийн үндэсний хорооны дарга Б.Тулга, МАН-ын Удирдах зөвлөлийн гишүүн Н.Уламбаяр, Засгийн газрын хэрэг эрхлэх газрын дарга Н.Учрал, Эдийн засаг хөгжлийн сайд асан Ч.Хүрэлбаатар нар багтаж буй. Тодруулж хэлбэл, эдгээр 32 гишүүний олонхийн дэмжлэг хүлээсэн хүн МАН-ын даргад нэр дэвших эрхтэй болно гэсэн үг.