Ардчилсан намын дарга, УИХ-ын гишүүн Лу.Гантөмөр Ардчилсан намын Үндэсний бодлогын хороог энэ сарын 28-ны өдөр хуралдуулахаар зарласан. Уг хурлаар Ардчилсан намын Үндсэн дүрэм болон хөтөлбөр, намын дотоод зохион байгуулалтын асуудлыг хэлэлцэхээр тогтсон гэх мэдээлэл бий. Түүнчлэн энэ сарын 29-нд Их хурлаа товлосон байсан боловч ҮБХ-ны хурлыг давчуу хугацаанд зарласан нь намын даргад нэр пэюшигчдэд мөрийн хөтөлбөрөө боловсруулах, танилцуулахад хүндрэл учруулж байна гэх саналыг гаргасн учир хойшлуулсан. Товчхондоо АН-ын их хурал энэ сарын 31-нд товлогдсон гэсэн үг.

Одоо АН язганаж, МАН бажигдаж байна.  Мэдээж, АН-ынхан даргаа сонгох сунгааны өмнө язганах нь зүйн хэрэг. Гэхдээ дээхэн үед байсан шиг олон фракц одоогийн АН-д байхгүй. Гагцхүү Гранд, МоАХ гэсэн хоёр том бүлэглэл л бий. Бүлэглэлийн тухайд хэн ялахаас АН-ын цаашдын хувь заяа шийдэгдэнэ. АН ч гэлтгүй энэ улс Монголын маань ирээдүйн замнал тодорхойлогдоно. Одоогоор нэр дэвшигчдийн жагсаалтыг О.Алтангэрэл, Ж.Баярмаа, С.Мөнхбаясгалан, Н.Алтанхуяг нар тэргүүлж буй.  Л.Лодойсамбуугийн нэр сүүлийн үед дуулдаж буй ч юу  л бол... Таамаг дундуур тоон дотор үсэг гэдэг шиг тоглолтод нэмэр хачир болохоор мань хүний нэрийг оруулсан гэдэг нь үнэнд ойр байх.

Харин МАН-ын тухайд өөрийнхөө МАНАН-д элсүүлсэн багаас хүн гаргах талаар хичээнгүйлэн санаа тавьж буй нь маргашгүй үнэн. Учир нь МАН “манан”-г сарниахгүй байх чин хүсэлтэй.   Яг энэ үед Тагнуулын дарга асан Л.Хурц Төрийн ордонд сэтгүүлчтэй улаан халз таарч, асуултад хариулав. Их л хүлцэнгүй хариулт өгөв. Хариулт нь харин “гөлөг төөрүүлэх” ажиллагаа болох нь илт харагдав. Тэрбээр “Женко, Ухаа худаг хоёр АН-ыг авах гэж байна. Женко Монголын улс төрд орж ирсэн цагаас хойш Монгол ялагдаж Хятад ялсан. Та нар надад итгэхгүй бол амьдралаа хар, энэ үзүүлэлтүүдийг нь хар” хэмээлээ.

Ухаа худаг, Женко хоёрын зам нийлэх тавилан улс төрийн хувьд ч, хувь хүний хувьд ч нийлэх боломжгүй. Чухамдаа юу үнэн энэ үнэн. Нөгөөтэйгүүр АН-д одоогоор айхтар сүрхий стратегич, улс төрийн лидер гэхээсээ илүүтэй  олон нийтийг дагуулах лидер хэрэгтэй.