УИХ-ын Пүрэв гарагийн хуралдаан үргэлжилж байна.  Төрийн албан хаагчийн ёс зүйн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна.

Энэ үеэр УИХ-ын гишүүн Д.Ганбат “5 минутаа анх удаа хэрэглэх гэж байна. Өмнө нь хэрэглэж үзээгүй. Өчигдөр манай тамганы асуудал эцэслэн шийдэгдсэн. Хоёр нам, хоёр тамгатай юм шиг яваад байсан. Тамга тэмдэгтэй намыг төлөөлөн сууж байгаа хүн нь би юм аа. О.Цогтгэрэл нарын яриад, өргөн бариад байгаа зүйл хууль зөрчөөд байна. Өнөөдөр гадаа иргэд хүүхдүүдээ тэврээд эм байхгүй гээд зогсож байна. Гэтэл бид ялих шалихгүй хэрүүл яриад баймааргүй байна. Цөөнхийн дотор цөөнхийг дордуулах хуулийг хэлэлцмээргүй байна. Өлсгөлөнгөөс эхлээд АН-д асуудал даамжраад байна. Хэсэг гишүүд маань ард түмний төлөө дуугарахын оронд хүний төлөө, өөрсдийнхөө төлөө яваад байна. Энэ үед УИХ-ыг даргаас эхлээд эрхэм түшээдүүд өлсгөлөнг надтай хамт буулгасанд талархаж байна. О.Цогтгэрэл ялихгүй юм хийгээд яваад байгаагаа болих хэрэгтэй. Ковидын үед баахан хүмүүс цуглуулаад Дүнжингаравын урд хурал хийгээд л, үүнээс болж нэг залуу шоронд, нөгөө нь шороонд байна. Украйнд мөнгө хандивласнаас болж намайг гадуурхаад байж болохгүй. Манай 11 гишүүн намайг дэмжиж хийнэ гэж байсан ч хийгээгүй.  Хүний олон нь хүнээ барьж иддэггүй. Тийм юм УИХ-д болохгүй гэдэгт итгэж байна. Бүлгийн хурал болдогоороо болно. Хаалга үүдийг нь хийгээд хурлаа нээчихсэн сууж байгаа” гэв. Чуулганы хуралдаан үргэлжилж байна.