Л.Оюун-Эрдэнийн хамтарсан Засгийн газар унах болсон шалтгаан нь угтаа хүүгийнх нь сүйн бөгж биш. Орлого нотлох асуудал бүр 10 дугаар асуудал. Гагцхүү “Баялгийн сан”-гийн хуулийн дагуу сангаа хөрөнгөжүүлэх гэсэн хамтралын санаа буюу орд газраа улсын мэдэлд авах гэсэн хуулийн төслийн улбаа. Монгол Улсын газар нутаг дээр байх томоохон орд газруудыг гурван сая гаруй иргэн нь үл хүртэн 30 гаруйхан гэр бүл хүртэж, хөрөнгөтөн ба ядуус гэх давхаргын ялгааг газар тэнгэр мэт жишилдүүлсний эсрэгцэл болчих гээд байгаатай холбоотой үүссэн “тулаан”. Тулаан  Л.Оюун-Эрдэнэ, MCS-ийн Ж.Оджаргал хоёрын хооронд өрнөсөн.

Юу үнэн бэ гэвэл энэ үнэн. Ерөнхий сайд асан Л.Оюун-Эрдэнийг боорлох болсон шалтгаан нь ердөө л энэ. Түүнээс биш 20 гарсан хүүхэд, хууль зүйн хувьд эцэг эхээсээ тасраад өөрийн орлоготой болоод, тэр хүүхдийн орлого зарлага монголчуудын санааг зовоогоод, Засгийн газрыг унагахад хүргэх шалтаг угаасаа биш. Гагцхүү Ухаа худгаа авах нь гэсэн шум ухаан алдтал нь сандаргасан хэрэг.

Мэдээж УИХ дээр энэ тухай яригдаад эхэлмэгц УИХ-д сууж буй MCS-ээс сонгуулийн хандив авсан нэр бүхий нөхөд, эзэн эсвэл санхүүжүүлэгч болох MCS руугаа ярьсан юм шиг байгаа юм. Товчхондоо Ухаа худгийг улсад ав гэж кнопдох нь ээ гээд бужигнасан нь мэдээж. Яах аргагүй улсынх, яах аргагүй үнэ төлбөргүйгээр авчихсан учраас Засгийн газрыг унагахаас өөр гарц тэдэнд үлдээгүй, угаасаа байгаа ч үгүй.

УИХ-ын талаас илүү гишүүд нь MCS-ээс сонгуулийн өмнө хандив авсан нь маргашгүй энэ тохиолдолд кнопдохоор хэцүү. Дахиж гишүүн блохгүй байх вий гэх айдас тэдэнд бий. Цорын ганц арга нь уг асуудлыг УИХ-аар оруулахгүй байх явдал.  Оруулахгүй байхын тулд засгийг унагах л гарц харагдсан нь тодорхой.

Тэгээд л Д.Оюун-Эрдэнийн хүүг сугалж аваад нүдээд эхэлсэн. МCS-ийн Ж.Оджаргал санасандаа хүрсэн. Засаг огцорвол дараагийн асуудал энэ асуудлыг ор тас мартчихна гэж тооцоолсон. Шуудхан хэлэхэд З.Энхболдын хэлсэн үнэн болж таарч байх шиг байна. Мань эр “Ухаа худаг 2008 онд хувьчлагдаж одоо хүртэл ухаад байхад орлого олоод л байна.

Энэ асуудлыг Л.Оюун-Эрдэнэ, О.Алтангэрэл хоёроос өөр хүн хөндөхгүй байгаа биз. Сая болсон сонгуулиас эхлээд... Тэгэхээр бусад нь бүгдээрээ MCS-ийн талынхан гэсэн үг. Одоо дахиж баялгийн сангаа арвижуулах засаг гарахгүй.  Төгрөг нуурыг ярьж байгаа Н.Учрал гээд дараагийн ерөнхий сайд болохоор нэр нь яригдаж байгаа хүмүүс бүгд хийхгүй гэдэг нь ойлгомжтой байна.” гэж хэлсэн, сануулсан.

Дахин тодотгоход Л.Оюун-Эрдэнэ, MCS-ийн Ж.Оджаргал хоёрын хооронд өрнөсөн тулаанд MCS давшиж, Л.Оюун-Эрдэнэ ухарсан. Тулаан дуусаагүй, дуусах ч үгүй биз. Басхүү ард түмэн тэнэг биш. Ухаа худгаа улсад авч чадахгүй бол УИХ тар. Тараах амархан...

З.УРСГАЛ