Засгийн газрын ээлжит бус хуралдаанаар “Хөрөнгө гаргах тухай” Засгийн газрын тогтоолын төсөл, “Тогтоол хүчингүй болгох тухай” Засгийн газрын тогтоолын төсөл /Засгийн газрын 2024 оны 80 дугаар тогтоол/, “Тогтоол хүчингүй болгох тухай” Засгийн газрын тогтоолын төсөл /“Жишиг хэмжээг шинэчлэн тогтоох тухай (наадмын санхүүжилт)” Засгийн газрын 2010 оны 271 дүгээр тогтоол/, Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл зэрэг олон асуудлыг хэлэлцсэн. Хуралдааны үеэр Ерөнхий сайд Г.Занданшатар НДС-гийн хулгайг ил болгож, иргэдийн мэдэх эрхийг хангаж, байгаа нөхцөл байдлын талаар үнэнийг мэдээлэх. Дараа нь "Нийгмийн даатгалын сангийн реформоо хийх" үүргийг Гэр бүл, хөдөлмөр нийгмийн хамгааллын сайд Т.Аубакирт өгсөн гэх мэдээлэл түгсэн. Хуралдааны дараа ГБХНХЯ-ны сайдын сэтгүүлчдэд өгсөн мэдээллээс тоймлон хүргэе.

• Өмнөх үед үүссэн авлагын асуудал, тухайлбал НДС-ийн хөрөнгө болох 100 гаруй тэрбум төгрөгийн авлага Капитал, Чингис гэх хоёр банкин дээр үүссэн асуудлыг барагдуулах, мөн НДС тогтворгүй болсон шалтгааныг судлах үүрэг өгсөн.
• Гэр бүлийн тухай хуулийг УИХ-д оруулна. Одоогоор найман хуулийн төсөл байна. Судалж, сайжруулах ажил ч бас бий.
• ГБХНХЯ-ны төсвөөс 36 тэрбум төгрөг танагдсан. Хөтөлбөрт зориулагдах хөгжлийн бэрхшээлтэй болон хүүхдийн хөгжилд зориулагдсан  холбоотой төсвөөс нэг ч төгрөг хасагдаагүй. Хэмнэлтийн тухай хуулийн 13ийн нэгийн нэгт заасанчлан хугацаандаа сонгон шалгаруулалтын гэрээгээ байгуулаагүй, мөн есөн хувийн цомхтголын төсөв л хасагдсан.
• Тэтгэврийн зээлийн тухайд Монголбанкнаас тавигдсан байсан бүх хязгаарлалтууд цуцлагдсан.  Өөрөөр хэлбэл 100 хувь олгогдоно гэсэн үг. Монголбанкны Ерөнхийлөгчид чиглэлд өгөгдсөн, маргаашнаас арилжааны банкуудтай ярилцаад хэрэгжих байх.