Өнөөдөр буюу 2025.06.25-ны өдрийн Засгийн газрын ээлжит хуралдаанаар 

-2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төсөл
-2025 оны төсвийн тухай хуульд өөрчлөлт оруулах тухай хуулийн төсөл болон дагалдаж өөрчлөлт оруулах хуулийн төслүүд
- Яамдын үйл ажиллагааны зохион байгуулалтын бүтэц, орон тооны дээд хязгаарыг батлах тухай Засгийн газрын тогтоолын төсөл
- Улсын хэмжээнд 2025 онд эзэмшүүлэх, ашиглуулах зарим газрын байршил, хэмжээ, зориулалтын жагсаалт батлах тухай Засгийн газрын тогтоолын төсөл
- Монгол Улсын иргэнд 2025 онд өмчлүүлэх газрын нийт хэмжээ, байршил зориулалтыг тогтоох тухай ЗГ-ын 2025 оны 119-р тогтоолын хавсралтад өөрчлөлт оруулах тухай ЗГ-ын тогтоолын төсөл
- Монгол Улсын газрын тосны бүтээгдэхүүний хангамж, нийлүүлэлтийн нөхцөл байдлын талаар тус тус хэлэлцжээ. 

Хуралдааны дараа САнгийн яамны сайд Б.Жавхлан дараахь мэдээлллийг өглөө. 

-Төсвийн Ерөнхийлөн захирагч нараас олон санал авлаа. 2025 оны тоонууд дээр тодотгол хийнэ. Учир нь орлого буурсан. Ингэснээр 2026, 2027 оны төсвийн төсөөллийг мөн өөрчлөх шаардлага үүслээ.  Эдгээрийг цугт нь УИХ-д өргөн барина. 

Энэ оны эцэс гэхэд орлого 3.3 их няд төгрөгөөр дутах нь. Энэ тоо байнга өөрчлөгдөж байна. Сүүлийн нэг сард 120-130 юаниар нүүрсний үнэ уналаа. Энэ нь төсөвт хүчтэй нөлөө үзүүлнэ. Энэ онд дахин төсөвт гар дүрэхгүйн тулд бид зардлаа оны эхнээс танаж ирсэн. Ингэснээр 260 тэрбум төгрөг хэмнэсэн.  Гэхдээ ирэх онд ДЦС 3-ын засварыг заавал хийнэ. Эрчим хүчний яам 120 тэрбум төгрөг шаардлагатай гэсэн ч бид ярьсаар 70 тэрбум төгрөгийн төсөв тавина.

Засгийн газрын нөөц хөрөнгө 50 тэрбум байна. Ирэх онд НҮБ-тай хамтран COP17 хэмээх олон улсын хурлыг хийнэ. Гэвч Байгаль орчны яам  тавдугаар сарын 30-ны дотор худалдан авалтаа зохион байгуулж чадаагүй. Энэ мөнгийг ирэх оны төсөвт тавина. Хүүхдийн мөнгө, цалин, тэтгэвэр рүү гар дүрэхгүй. Иргэдэд ачаа үүрүүлэхгүй, тэдний орлогод нөлөө үзүүлэхгүй байдлаар төсвөө тодотгоно гэв.