МАН-ын Ерөнхий нарийн бичгийн дарга Я.Содбаатар сэтгүүлчдэд мэдээлэл өглөө Тодруулбал, Тэрбээр "Улс төрийн намыг СЕХ хариуцдаг болсон. Тийм учраас улс төрийн намууд тайлангаа гаргаж өгч, санхүүжилтээ ил тод болгож, дэргэдээ бодлогын байгууллагатай болох шинэ улс төрийн соёл руу явж байгаа.

Тэр утгаараа МАН энэ ондоо XXXI  Их хурлаа зайлшгүй хийнэ. Тодруулбал, намын Их хурлыг ирэх есдүгээр сард хийхээр товлолоо.

Намын дүрэмд заасанчлан 45 хоногийн өмнө Их хурлаа зарлах ёстой. Өөрөөр хэлбэл ойрын өдрүүдэд МАН-ын Бага хурлаа хийж, Их хурлаа зарлана. Намын Их хурлаар бүрэн эрхт намын дарга томилох, Удирдах зөвлөл, Бага хурал, хяналтын ерөнхий хорооны асуудлыг хэлэлцэнэ” гэлээ.

Харин МОНЦАМЭ агентлагийг тойрсон шуугианы талаарх  сэтгүүлчдийн асуултад “Монцамэ  бол Монгол Улсын Ерөнхийлөгчийн Тамгын газрын харьяа, улс орны гадаад харилцаа, олон улсын нөхцөл байдал, гадаадад эх орноо сурталчлах гол төрийн институци. Олон улсын 146 улс төрийн мэдээллийн институцитай. Агентлагуудын албан ёсны эх үүсвэр нь МОНЦАМЭ.  Монгол Улсын Үндсэн хуульд зааснаар Монгол Улсыг гадаад, дотоодод бүрэн эрхтэй төлөөлдөг институци нь Ерөнхийлөгч учраас Ерөнхий сайд асан Л.Оюун-Эрдэнийг байх үед ярьж байгаад ЕТГ-ын харьяа байгууллага болгосон.

Үндсэндээ 20 жил хаана харьяалагдах нь тодорхойгүй, чиг үүрэг нь тодорхойгүй, ажилчдынх нь нийгмийн баталгаа алдагдаж, төрийн албан хаагчдаас 2-3 дахин бага цалин авлаг агентлаг байсан.

Үүнээс хойш төрийн бусад байгууллагуудтай адил болгож, шинэчилсэн. Сэтгүүлч Б.Ганчимэг зөвлөхөөр ажиллаж байгаа тодорхой хэмжээнд эрүүл мэндийн асуудал үүссэн" гэх хариултыг өглөө.