Ерөнхий сайд Г.Занданшатар Засгийн газартаа МАН, ИЗНН, ХҮН намын төлөөллөөс бүрдсэн нийт 19 сайдыг нэр дэвшүүлснээр УИХ-ын чуулганы нэгдсэн хуралдаанаар хэлэлцэн, дэмжсэн. Ийнхүү Монгол Улсын 34 дэхь Засгийн газар ажилдаа ороход бэлэн боллоо. Энэ удаагийн засгийн газар их л олон зүйл туулж бүтцээ баталсан шигээ их л олон ажил амжуулах шаардлагатай тулгарч байна.

Тэрбээр “цомхон бүтэц, хэмнэлтийг хийхдээ механикаар бус, бүтээмжийг нэмэгдүүлэх зарчмыг баримталж, төсвийг тодотгоно. Төсвийн шинэ бодлогыг зарлахдаа “хасах” биш “хэмнэнэ гэж хэлсэн. Гэхдээ өчигдөр дорвитой цомхтгол хэмнэлт болох бүтэц батлагдсангүй.

Басхүү хамтарсан Засгийн газарт ажиллаж байсан сайд нарыг шинэчилэлд хамруулахгүй гэж байсан ч бас болсонгүй бололтой. Ямартай ч бүтцээ батлуулж, ажлаа эхлэх болсонд талархая. Юутай ч энэ засгийн хамгийн ахмад сайд нь Зам тээврийн сайд Б.Дэлгэрсайхан. Тэрбээр 1964 онд төрсөн. Г.Занданшатараас 14 ах гэхээр яалт ч үгүй энэ танхимын хамгийн ахмад нь болж таараад байгаа юм.

Хэл ам, хэрүүл маргаан ихтэй эл салбарт тэр өмнөх засгийн өдөөсөн 14 мега төслийн нэг болох Гашуунсухайт-Ганцмодны боомтын төмөр замын бүтээн байгуулалтын ажлыг хөдөлгөж чадсан. Яг 11 жилийнхээ ойн дээр ажиллагаанд орсон гэхээр бас ч гэж чамлахааргүй ажил. Мань эр ч хувь хувьсгалын туршлагадаа дулдуйдан олон төмөр замаар холбогдож байж Монгол Улс хөгжинө гэдгийг л энэ төслөөр харуулах нь чухал. Цаашид нүүрсний экспортыг нэмэгдүүлэх 120 сая хүртэл өсгөх өөдрөг зурагла бий. Олон улсын жишгээр овор ихтэй ачаа тээврийг ачиж буулгах терминал барихад урт хугацааны гэрээ хийхээс өөр аргагүй. Бид нар олон улсын жишигт шилжих цаг нь болсон хэмээн хэлж байсан ажлаа үргэлжлүүлэх биз. Үргэлжүүлж дуусгах нь үнэндээ маш чухал байгаа нь үнэн.

Харин Г.Занданшатарын багийн залуусын бага нь 1987 оных. Тодруулбал, Тэргүүн Шадар сайд бөгөөд Эдийн засаг, хөгжлийн сайд Н.Учрал, Цахим хөгжил, инновац, харилцаа холбооны сайд Э.Батшугар нар төөлбөл бие, тоолбол нас чацуу юм билээ.

Э.Батшугарын тухайд Зээлийн мэдээллийн тухай хуульд нэмэлт, өөрчлөлт оруулах тухай хууль нь батлагдаж, иргэд хар хайрцаг гэх хатуу дарамтнаас салсан. Тэрбээр Цахим хөгжил, инновц, харилцаа холбооны сайдаар томилогдсон. Эл салбарт хамгийн чухал асуудал бол хүний нөөц гэдгийг анхааралдаа авахыг хүсье.

Нас нэгт Н.Учралын хувьд мэргэшсэн улстөрчдийн нэг. Шинэ Засгийн газарт Тэргүүн шадар сайд бөгөөд Эдийн засаг, хөгжлийн сайдаар томилогдсон.  Чадварлаг сайд гэх  тодорхойлолтод алт хэдийнээ багтсан мань эрийг ажлыг хэрхэн хийхээ асуултгүй сануулалтгүй мэдэж байгаа байх. Мөн нэгэнт хөдөлгөсөн ураны асуудлаа эцэслэх тал дээр анхаарах биз. Уран олборлох, цаашлаад атомын цахилгаан станцтай болсноор манай улс толгойн өвчин болсон эрчим хүчний дутагдлаас гарах ирээдүй бий. Товчхондоо 70-80 оныхноор багаа бүрдүүлсэн Г.Занданшатарын Засгийн газарт амжилт л хүсье дээ.

З.УРСГАЛ