Надад горимын санал байна. Статистикаас харахад, Монгол Улсын нийт хүн амын 51 хувийг эмэгтэйчүүд эзэлдэг. Түүнчлэн монгол эмэгтэйчүүдийн дундаж наслалт 76.7 бол анхны гэрлэлтийн дундаж нас 26.7 гэх тооцоо байна. Мөн 2024 онд төрсөн нийт хүүхдийн 48.6 хувь нь эмэгтэй. Улсын хэмжээнд хамгийн өндөр настай эмэгтэй 108 настай ахмадууд бөгөөд ААНБ-ын удирдах албан тушаалд ажиллаж буй нийт ажиллагсдын 42.3 хувь нь эмэгтэйчүүд байдаг ажээ.

Тэгвэл 2023 оны байдлаар манай улсын нийт сонгогчдын 52 хувь нь эмэгтэйчүүд байдаг атал дэлхийн эдийн засгийн форумаас жил бүр гаргадаг жендэрийн зөрүүтэй байдлын индексээр Монгол Улс  156 орноос 69 дүгээр байранд эрэмбэлэгджээ. Мөн улс төрийн эрх мэдлийн үзүүлэлтээр 156 орноос 116 дугаар байранд жагссан нь дэлхийн болон азийн дунджаас доогуур байгаа юм.

Ингээд харахаар Эмэгтэйчүүдийн яам байгуулахад болохгүй гэж, түгжрэлийн сайд гэснээс төвөггүй л уншигдаж байгаа биз дээ. БНСУ-д Эмэгтэйчүүдийн яам байгуулснаар их амжилт дэвшил гарсан тухай бишгүй л сонсогддог. Тэр ч утгаараа ийм нэртэй яам байгуулаад эрх мэдлийг нь УИХ-ын гишүүн М.Нарантуяа -НАрад өгөөдөхвөл өөдлөнө үү гэхээс уруудахгүй гээд мөрийцсөн ч болно.

Тэгээд ч Монголын Эмэгтэйчүүдийн Холбоо гэж байгууллага 1924 онд ”Бүсгүйчүүдийг боловсруулах тасаг” нэртэйгээр байгуулагдаж байсан нь  Азийн анхны эмэгтэйчүүдийн байгууллага хэмээгдэн тэмдэглэгдсэн түүх нь Монголынх. Өдгөө эл байгууллагыг Б.Оюунгэрэл гэдэг бүсгүй толгойлдог гэх сураг бий. Сураг гэхийн учир хангалттай үйл ажиллагаа явуулдагггүй гэх гэсэн санаа л даа.

Санаж байгаа бол манай гишүүн М.Нарантуяа-Нара тус байгууллагыг даргаа сонгох үеэр очиж, заалнаас нэрээ дэвшүүлэн өрсөлдөх хүсэлт гаргасныхаа төлөө хөөгдөж гарч байсан удаатай. Яг тэр үеэс л Нарад МЭХ-г өгчих юмсан гэх адын бодол төрсөн юмдаг. Өгөхгүй л дээ, өнөөх нь. Өөрөө хийж чадахгүй атлаа өрөөлд хэрэгтэй албыг ширээ сандал, боломж төдийхнөөр хардаг гажуудалд хэт нэрвэгдсэн учраас...

Яг одоо яадаг юм бэ, Нара одоо гишүүн болчихсон, Г.Занданшатарын засаг заавал хамтын засаг байгуулах албатай юм бол Эмэгтэйчүүдийн яам байгуулья. Эрчим хүчний шинэчлэл хийе гээд байгаа шиг их эмзэг тулгамдсан асуудал мөн шүү. 

З.Урсгал