Шинэтгэлээр түүчээлсэн салбар зөвлөл” аяны хүрээнд Төрийн албаны хууль тогтоомжийн хэрэгжилтийг чанаржуулах, мэдээллээр хангах, бүтээлч, үр ашигтай санал санаачилгыг дэмжих, үр дүн, туршлагыг нэвтрүүлэх зорилгоор 2024 оны үйл ажиллагааны үр дүнгээрээ улсдаа болон аймагтаа тэргүүлсэн байгууллагуудын сайн туршлагыг түгээн дэлгэрүүлэх, мэдээлэл солилцож харилцан суралцах, төрийн байгууллагуудын ажлын уялдаа холбоог сайжруулах зорилгоор “Харилцан суралцах – Сайн туршлага” сургалтыг өнөөдөр зохион байгууллаа.

Сургалтын үйл ажиллагааг аймгийн Засаг даргын Тамгын газрын дарга Б.Лхагвабаатар нээж, оролцогчдод ажлын амжилт хүссэн юм.

Мөн Монгол Улсын Засгийн газрын 2025 оны 43 дугаар тогтоолоор “Хяналт-шинжилгээ хийх журам”, “Үнэлгээ хийх журам”, “Байгууллагын үйл ажиллагааны үр дүнг үнэлж, дүгнэх журам”-ыг баталж, энэ оны 5 дугаар сарын 1-ний өдрөөс хэрэгжүүлж эхэлсэнтэй холбогдуулан Засаг даргын Тамгын газрын Хяналт-шинжилгээ, үнэлгээний хэлтсээс Засаг даргын эрхлэх асуудлын хүрээний хэлтэс агентлагуудын бодлого төлөвлөлт, тайлагналт, ил тод байдал, хяналт-шинжилгээ, үнэлгээний асуудал хариуцсан нийт 70 гаруй төрийн албан хаагчдыг хамруулав.

Энэхүү сургалтыг зохион байгуулснаар Төрийн байгууллагууд харилцан бие биеэсээ суралцах боломжийг бүрдүүлж, төрийн албан хаагчдын чадавх бэхжиж улмаар байгууллагын үйл ажиллагааны үр дүн өмнөх оноос нэмэгдэх юм. Сургалтад оролцож буй төрийн албан хаагчдыг идэвхжүүлэх, сургалтын үр дүнг сайжруулах зорилгоор мэдлэг бататгах Kahoot сорил тоглоомыг тоглуулж, шилдэг оролцогчдыг урамшуулсан байна.