Их хурал итгэл үзүүлсэнгүй. Засгийн тэргүүнд итгэл үзүүлэхгүй гэсэн учраас Засгийн газар бутрах нь мэдээж. ҮҮнтэнй зэрэгцэн өчигдөр шөнөөс эхлэн Ерөнхий сайдыг томилох хуулийн заалтын хугацаа өдөр хоногоор нарийвчлагдан тоологдож эхэлсэн.

Үндсэн хуулийн 43 дугаар зүйлд зааснаар Ерөнхий сайд огцорвол Засгийн газар бүрэлдэхүүнээрээ огцорч, шинэ Ерөнхний сайдыг 30 хоногийн дотор томилох ёстой.

Хэрэв 30 хоногийн дотор буюу 2025 оны долдугаар сарын 3-ны дотор дараагийн Ерөнхий  сайдыг томилж чадахгүй бол УИХ-ын тухай хуулийн 34.3.2, 34.3.3-т заасны дагуу Ерөнхийлөгч УИХ-ыг тараах шийдвэр гаргах заалттай. Дараагийн Засгийн газрыг бүрдүүлж, сайд нарыг нь ажилд томилох хүртэл одоогийн сайд нар ажлаа хийнэ. Тэгвэл МАН-ын Бага хурал нөгөөдөр буюу зургаадугаар сарын 5-нд хуралдаж, цоо шинэ Ерөнхий сайдыг тодруулахаар болжээ. Энэ удаагийн Засгийн газарт АН-аас бусад парламентад суудалтай нам, эвслийнхнийг оруулах эсэхийг тэд өдгөө албан бусаар хэлэлцэн, өрөөнөөс өрөөний хооронд жим гартал гүйлдэцгээж байна. 

Басхүү Бага хурлын өмнөх хуралдаанаар "МАН дангаараа Засгийн газрыг бүрдүүлж ажилла" гэсэн шийдвэр гарсан. Тэгэхээр уг шийдвэрийн дагуу МАН дангаараа Засгийн газраа бүрдүүлж ажиллах уу эсвэл гэсэн хүлээлт нийгэмд хүлээлт байна.